Исхраната има директно влијание врз рамнотежата на течностите во телото, па дури и храната што ја консумираме секој ден може да придонесе за оток.
Во текот на летните месеци, многу луѓе забележуваат дека нозете им стануваат тешки и отекуваат – непријатно чувство што може да биде знак за задржување на течности.
Иако овој проблем може да се појави во кое било време од годината, топлината го прави уште полош, пренесува Danas.rs.
Сепак, постојат голем број начини да се ублажи или спречи тоа, а еден од најважните е да се избегнува храна што го поттикнува задржувањето на водата .
Зошто ни отекуваат стапалата на топлина?
Исхраната има директно влијание врз рамнотежата на течностите во телото, па дури и храната што ја консумираме секој ден може да придонесе за оток.
„Едем“ е медицински термин за оток предизвикан од акумулација на течност во ткивата. Најчесто се јавува во нозете, глуждовите и стапалата, но може да ги зафати и рацете, лицето, па дури и белите дробови – објаснува д-р Асима Ханиф за Vogue .
Покрај одредени медицински состојби и лекови, задржувањето на вода може да биде предизвикано и од недостаток на движење или лоша циркулација.
„Дури и самото седење или стоење подолг временски период, особено на топлина, може да предизвика оток“, додава д-р Ханиф.
Според хирургот д-р Тери Дуброу, жените често се почувствителни на благ едем поради хормонални промени или за време на патување.
„Тоа е начин на телото да испрати сигнал дека нешто е надвор од рамнотежа“, истакнува тој.
Затоа лекарите составија список на храна што може да придонесе за задржување на течности во телото:
Конзервирана туна
Поради солта додадена за време на преработката, конзервираната туна често има висока содржина на натриум, што придонесува за задржување на водата.
Домат
Иако се богати со вода, доматите содржат хистамин, кој може да ја зголеми пропустливоста на крвните садови и на тој начин да го поттикне задржувањето на течности.
Овој ефект може да се ублажи ако се комбинира со зеленчук кој има диуретично дејство, како што се краставиците.
Чаден лосос
Слично на конзервираната риба, пушениот лосос е богат со натриум.
„Натриумот е главниот виновник за задржување на водата“, вели д-р Дуброу.
Крекери
Иако често се избираат како полесна замена за леб, крекерите се преработена храна која содржи многу сол.
„Рафинираните јаглехидрати го зголемуваат нивото на инсулин и го поттикнуваат воспалението, што може дополнително да го влоши отокот“, предупредува д-р Дуброу.
Зрели сирења
Сирењата како што се пармезанот и чедарот содржат големи количини сол, бидејќи за време на процесот на зреење се губи вода, а солта се концентрира.
За борба против задржувањето на вода, д-р Дуброу препорачува храна богата со магнезиум и калиум – како што се бадеми, темно чоколадо, банани и авокадо – бидејќи тие помагаат во елиминирањето на вишокот вода од телото.
Краставиците, целерот, лубеницата, лиснатиот зеленчук и интегралните житарки ја подобруваат циркулацијата, додека бобинките, лукот, кромидот и ѓумбирот го намалуваат воспалението.
„Доволниот внес на вода им помага на бубрезите и спречува задржување на течности“, додава д-р Ханиф, додека д-р Дуброу препорачува и зелен чај и вода со лимон како природни детоксикациски пијалоци.
Покрај правилната исхрана, многу е важно и движењето.
„Физичката активност е клучна – дури и лесна прошетка може да помогне во исфрлањето на вишокот течности од нозете“, вели д-р Ханиф.
Ако седите долго време, обидете се повремено да ги кревате нозете. И, конечно, важно е да го слушате вашето тело – ако отокот не исчезне или е придружен со нагло зголемување на телесната тежина, најдобро е да се консултирате со лекар.
СЛИКИ задржување на вода, оток на нозете, намирници, едем
