Не е секоја битка физичка, постојат и ментални судири и тогаш на вашето тело му треба нешто што ќе го покрене. Студиите објавени во магазинот „Неурологија“ откриваат дека ако јадете масна риба три пати неделно, го намалувате губитокот на памтењето за 25 проценти. Протеините од рибата, како и од јајцата ќе ве држат сити така што апетитот нема да ја попречува вашата работа.
Предлог за појадок кој ќе ви даде доволно сила за напорниот работен ден:
Вкусен сендвич кој ем ќе ве најаде ем ќе ве направи попаметни и поспособни
- 2 јајца;
- 2 филети риба;
- 2 големи лажици спанаќ;
- 2 кришки тост.
Начин на приготвување: Сварете ги јајцата. Филетите пржете ги на врело масло, некаде околу 2 минути. Спанаќот ставете го врз парчето тост, па одозгора ставете ги јајцата исечени на тркалца и пржената риба… И сендвичот е готов.
Истражувањата направени на Колорадо универзитетот откриле дека холинот од јајцата може да ви помогне при обработката на информациите и брзото учење.
