Луѓето често се жалат на исцрпеност или кусок на енергија. Но постојат едноставни начини со исхрана да придонесеме да имаме колку-толку урамнотежено ниво на енергија во текот на денот.
Поттикнете го функционирањето на митохондриите. Митохондриите се еден вид на минијатурен погон за производство на енергија во клетките. Еден од нутриентите кој ја поттикнува работата на митохонрдиите е коензимот Q10, природна состојка која се наоѓа во нашиот организам и во храната, пред се, во мешункастите растенија и во јаткастите плодови. Количината на Q10 во организмот со стареењето опаѓа, така што треба исклучително да се внимава на дневното мени, но и на додатоците на исхрана.
Јадете секои три часа. Презафатеноста во денешно време е една од причините што луѓето меѓу еден и друг оброк оставаат да поминат многу часови, што е многу лошо за енергијата на телото. Наглото паѓање на шеќерот (при прегладнетост) и наглото зголемување на нивото на шеќер во крвта (кога посегнуваме по благо за да ја надополниме енергијата), доведува до тоа да во еден момент се чувствуваме полни со енергија, а наредниот веќе сме исцрпени. Наједноставен начин да се одржи стабилно ниво на шеќер во крвта е да се јаде на секои два до три часа. Не мора да се работи за голема количина на храна, туку доволно е и малку квалитетни намирници: бадеми, кикиритки, јаболка, банана и слично ќе биде доволно.
Бирајте намирници богати со цинк. Цинкот учествува во десетина рекации кои се поврзани со генерирање на енергијата во организмот, така што храната богата со цинк е важна за нивото на енергија. Цинкот е важен и за составот на крвта и здравјето на коските, мозокот, срцето, црниот дроб, мускулите и простатата, а докажано е е дека ја намалува честотата на настинките и грипот. Намриници богати со цинк се: сончогледово и масло од тиква, кромид, цвекло, моркови, грашок и јаткасти плодови.
Внесувајте доволно витамин Б. Витамините од групата Б се важни за енергијата на организмот. Б витамините не се произведуваат и не се складираат во организмот, па неопходно е да се внесуваат преку храна и тоа секој ден. Најдобри извори на витаминот Б се: интегрален ориз, коренест зеленчук, семе од тиква, кељ, диња, цитрусно овочје, мешунки и зелен лиснат зеленчук. Важноста на внесот на витаминот Б е поврзана и со тоа што е познато дека стресот придонесува за елиминација на овие витамини од организмот.
Оброк со белковини. Белковините овозможуваат рамномерно и долготрајно ослободување на енергија со тек на времето и помагаат да се избегне нагло паѓање на шеќерот во крвта. Одлични и исклучително здрави извори на белковини се: сончогледот, семки од тиква, наут, ореви, бадеми, авокадо. Освен белковини, овие производи се богати и со други важни нутриенти.
