Како храната е се посиромашна заради начинот на производство и термичката обработка, проблемот со кој современиот човек се почесто се сретнува е токму недостатокот на магнезиум во организмот. Само како пример, СЗО објави податок дека во САД помалку од 60 отсто од популацијата имаат адекватен внес на магнезиум на дневно ниво. Интересно е какви се компликации може да предизвика недостатокот на магнезиум, а да не ни падне на памет дека оваа „дијагноза“ е во прашање.
Некои од најчестите симптоми кои укажуваат на тоа дека вашето тело копнее за зголемен внес на магнезиум се:
- Грчење на мускулите;
- Анксиозност и депресија;
- Висок крвен притисок;
- Хроничен умор;
- Главоболки и мигрени;
- Често чувство на трнење;
- Претерана желба за чоколадо;
- Проблеми со хормоните;
- Проблеми со спиењето;
- Недостаток на енергија.
Дури 8 од 10 луѓе имаат дефицит на магнезиум, инаку мошне важен минерал кој учествува во повеќе од 300 биохемиски процеси во телото. Важен е за нервниот систем, мускулите, крадиоваскуларниот систем. Дури и ако се храните балансирано може да не внесувате доволно од овој минерал. Треба да знаете кои намирници го содржат во најголема мера – спанаќ, темно чоколадо, црн грав, авокадо, банани, јогурт, кефир, семки од тиква, коприва, цреши, ореви, цвекло…
