Со динамичното темпо на живот во денешно време, понекогаш е тешко да ги слушате сигналите кои ви ги испраќа вашето тело. Сепак, можно е да постојат промени кои не смеете да ги игнорирате и затоа е добро одвреме навреме да обрнувате внимание на тоа. Секако, фразата „ништо не ми е, ќе помине“ не треба да ви стане навика за секоја ситуација и понекогаш мора да се консултирате со лекар за да спиете мирно.
Овие промени не се толку големи и чудни, па затоа е добро да проверите дали е нормално или се работи за некој проблем.
1. Ненадејно губење килограми
Ретко која жена се жали ако ослабе бидејќи тоа е сонот на речиси секоја, но ако губењето тежина се случи ненадејно, без посебна исхрана или вежбање, тогаш нешто не е во ред. Има многу непријатни причини заради кои може да дојде до ова, па консултирајте се со лекар за промените.
2. Хроничен замор
Сите понекогаш се преморуваме и ја преминуваме границата, но ако константно се чувствувате уморно повеќе од 2 недели, иако доволно се наспивате, потребно е да се консултирате со специјалист. Ова може да биде предизвикано од проблеми со тироидна жлезда, срцеви заболувања или недостаток на витамин Д.
3. Промени на градите
Редовната проверка на млечните жлезди е задолжителна за секоја жена, а во случај на каква било промена (боја, облик, големина, појава на нешто невообичаено) веднаш треба да се консултирате со специјалист.
4. Тешко дишење и гадење без посебен замор
Ако дури и најмалата физичка активност, како качување по скали до втор кат ви предизвикува гадење и тешко дишење, треба да разговарате со лекар, бидејќи тоа може да е знак на астма или срцево заболување, иако не мора да значи, но добро е да се утврди.
5. Промена на бенките
Ако имате нови сомнителни бенки или, пак, ако старите целосно се промениле, во форма или боја, најдобро е да се консултирате со лекар за да може да бидете сигурни дека се е во ред.
6. Подуеност во стомакот
Сите понекогаш се чувствуваме како да ќе „пукнеме“ откако многу ќе се прејадеме, но подуеноста не секогаш е поврзана со прејадувањето. Тоа може да биде симптом и за нешто друго, па ако забележите дека често ви се случува ова без посебна причина и кога не сте јадени, проверете се кај вашиот доктор.
