Според резултатите од новата студија, хроничната бубрежна болест има поголема веројатност дека ќе напредува до затајување на бубрезите и смрт кај мажите, во споредба со жените. Имено, воочено е дека жените имаат 17% помал ризик од затајување на бубрезите, како и 31% помал ризик од смрт.
Во САД над 26 милиони луѓе патат од хронична бубрежна болест која предизвикува постапно губење на функцијата на бубрезите. Кај некои пациенти хроничната бубрежна болест може да доведе до затајување на бубрезите и потреба за дијализа и трансплантација на бубрези.
Се смета дека резултатите од оваа студија упатуваат на тоа дека биолошките и психосоцијалните фактори може да бидат тригер за половата нееднаквост кај пацинетите со хронична бубрежна болест. Стручњаците се надеваат дека резултатите од оваа студија ќе ја поттикнат свеста кај пациентите, но и кај лекарите за поголемиот ризик од затајување на бубрезите и смртност кај мажите кои патат од хронична бубрежна болест.
