„Луѓето кои патат од несоница можат во текот на денот да се чувствуваат слабо, малодушно и беспомошно пред својот проблем кој ги чека навечер, а често стануваат повлечени и напнати“, вели доктор Улрих Волдерхолзер, специјалист за психосоматика и психотерапија, и нагласува дека се се ова ризични фактори за развој на депресија.
Стручњаците несоницата ја дефинираат како тешкотија кај заспивањето, спиењето или повторното заспивање после будење најмалку три ноќи неделно во најмалку еден месец.
Неволјата кај депресијата е што несоницата ја влошува депресијата и обратно кога-тогаш хроничната несоница може да придонесе за појава на депресија ако веќе не е резултирана од неа.
Кај луѓето кои патат од некое пореметување или оние кои моментално се под силен стрес почести се потешкотиите за заспивање или честото будење ноќе и повторното заспивање.
Проблемот се смета за хроничен ако трае со месеци или дури и години. Првиот лек е хигиена на спиење, што, пред се, значи одржување на редовен распоред на спиење. Важно е околината во која спиете да биде пријатна и релаксирачка.
„Овие совети се мошне делотворни ако истрајно се применуваат, најмалку недела или две“, вели Волдерхолзер и додава: „На повеќето луѓе ова им помага подобро да спијат.“ На оние на кои ова не им помага на располагање им се психотерапија и лекови.
