Хроничниот умор кој трае најмалку шест месеци, а е проследен со главоболка, проблеми со памтењето и концентрацијата, како и болки во мускулите нема врска со недостатокот на имунитет. Поврзан е со одредени гени „конектирани“ со делови од мозокот кои го регулираат одговорот на стрес, тврдат научниците од американскиот Центар за контрола и превенција на болести.
Синдромот на хроничен умор е запишан во гените и има јасна биолошка основа, истакнува доктор Вилијам Ривс, раководител на истражувачката програма.
„Докажавме дека секој човек има различни нивоа на активности на гените кои се поврзани со способноста на телото да се прилагоди на стрес и на тој начин да ја одбегне замката за појава на хроничен умор. Така е отфрлена теоријата дека одделни вируси доведуваат до синдром на хроничен умор“, појаснила доктор Џули Гербердинг, директор на Центарот.
