Најновото американското истражување покажало дека хроничните воспаленија во средна и подоцнежна доба од животот се поврзани со видливи структурни промени во мозокот кај луѓе со послаби когнитивни способности и деменција.
Истражувачите од Универзитетот „Џон Хопкинс“ во Балтимор, направиле студија, анализирајќи ги податоците собрани од 1 532 учесници.
Од нив, 61 процент биле жени, а 28 проценти мажи – афроамериканци.
Конкретно, тимот ги следел нивоата на маркерот за воспаление, Ц-реактивниот протеин (ЦРП), и ја разгледувал неговата поврзаност со ризикот од деменција.
„Откривме дека поединците кои имале зголемување на воспалението во средината и подоцна во животот, имаат поголеми абнормалности во структурата на белата материја на мозокот, како што беше измерено со MRI скенови“, изјавил водечкиот истражувач Кинан Вокер
Потиснувањето на воспалението, било да е со лекови или со менување на животните навики, може да биде клучно за одложување или спречување на слабеењето на когнитивните функции во староста.
Луѓето кои имале трајно покачен маркер на воспаление, Ц-реактивен протеин (ЦРП), имале најгололемо оштетување во мозокот.
Чести причини за хронично воспаление се затајување на срцето, дијабетес, хипертензија и инфекции како хепатит Ц или СИДА. Сепак, треба да се истакне дека воспалението е нуспроизвод на стареењето, а лошото физичко здравје и повреди уште повеќе го влошуваат, наведува научното списание „Neurobiology of Aging“, каде што се објавени резултатите од истражувањето.
