Воспалението на увото може да биде предизвикано од бактериска или вирусна инфекција. Врз основа на анатомската поделба на увото и воспалението може да биде воспаление наа средното уво (otitis media), воспаление на надворешното уво( пливачко уво) и воспаление на внатрешнот уво (otitis interna, вестибуларен неуронитис или гноен лабринтитис).
Секое воспаление на увото може да биде многу болно, но хроничното е особено опасно бидејќи може да допринесе за трајно оштетување на слухот.
Хроничното воспаление на средното уво предизвикува траен гноен исцедок кој тече низ пробиеното тапанче. Симптомите се безболна отореа и наглувост. Може да биде предивикано од акутно воспаление, запушување на Еустахиевата туба, физичка повреда топлинска и хемиска изгореница, а може да се развијат ушни полипи, колестеатом и други инфекции.
Трајното воспаление на средното уво може да доведе до разорни промени во средното уво и трајно да го оштети слухот. Заради тоа е многу важно секоја состојба во акутната фаза да се лекува навреме.
Воспалението на внатрешнот уво, пак, предизвикува губење на рамнотежата и вртоглавица, а може да се чувствува и ѕвонење во ушите. Покрај тоа воспалението на внатрешното уво може да предизвика и мачнини, повраќање и проблеми со одот. Otitis eksterna или пливачко уво е најчестата инфекција на надворешното уво и е поврзана со долготрајно интензивно занимавање со водени спортови. Се карактеризира со свраб, болка и исцедок со непријатен мирис, како и со привремено ослабување на слухот.
