Анксиозните состојби и депресијата претставуваат пореметувања кои влијаат на квалитетот на животот и секојдневно функционирање, па повеќето луѓе земаат одредени лекови и се на терапија. Но,со избегнувањето на консумацијата на одредени видови храна може да се подобри состојбата доколку лицето страда од депресија и анксиозност.
Поради одредени хемиски реакции во телото кои може да бидат предизвикани од одредени пијалаци и храна, може да се влоши општата состојба на лицето
Храната која треба да се избегнува, а истовремено е превенција од анксиозна и депресивна состојба е кофеинот, рафинираното брашно, храната со рафиниран шеќер, нездравите масти и сојата.
Кофеинот ја исцрпува надбубрежната жлезда која е одговорна за лачење на адреналин и кортизол, а која влијае на исцрпување на целиот ендокрин систем. Ова е причината поради која потешко се поднесуваат стресните ситуации кои предизвикуваат депресија и анксиозност.
Житарките и рафинираното брашно, како тестенините, лебот, разните бисквити и печива доведуваат до зголемена чувствителност на глутен. Сето ова предизвикува воспалителни процеси во цревата, кои не можат да ги апсорбираат сите хранливи материи кои се потребни.
Ова води до ниско ниво на серотонин и дисбаланс во организмот, што во голема мера влијае на зголемена состојба на анксиозност и депресија.
- Храната со рафиниран шеќер доведува до нагли падови и раст на шеќерот во крвта. Сето тоа влијае на расположението не само во одредени моменти, туку и на комплетниот ендокрин систем. Ова предизвикува дополнителни нарушувања кои во голема мера влијаат врз расположението.
Сојата директно влијае на работата на тироидната жлезда, конкретно на апсорпцијата на цинк, јод и железо, а кои имаат директно влијание врз работењето на целиот ендокрин систем и тироидна функција. Сето ова резултира со зголемен ефект на анксиозност и депресија.
Нездравите масти се познати и ги има многу. Но, не се сите масти нездрави! Здрави се оние масти кои не потекнуваат од рафинирани намирници. Важно е да не консумирате брза храна и рафинирани масти
Придржувајќи се до здравата исхрана и одбегнувајќи ги намирниците кои му штетат на организмот и на неговото психичко здравје, луѓето имаат поголеми шанси да не страдаат од анксиозност и депресија.
Покрај здравата исхрана, важно е да правите што повеќе активности што ќе ве релаксираат и ќе ве доведат во состојба на мир.
