Искористете го убаво време за возење велосипед – токму возењето велосипед е одлично за здравјето, затоа што освен што стекнувате кондиција, губите килограми и ги обликувате мускулите, ако со велосипедот сте го замениле автомобилот вие и ја чувате околината. Со редовно возење велосипед можете значително да го намалите ризикот од кардиоваскуларни болести и висок притисок, да ја зголемите издржливоста на организмот, да влијаете на подобрување на варењето и на намалување на стресот… Возењето велосипед е еден од најефикасните начини на вежбање кои постојат.
Согорува калории
Со возењето велосипед на лесен начин се трошат калории и ова е една од најдобрите активности за симнување вишок масти. Жена која има околу 60 килограми ако вози 20-25 км/ч согорува до 480 калории во 60 минути. Ако вози 25-30 км/ч до 600 калории, 30-35 км/ч до 700 и преку 35 км/ч до 950 калории.
Можете да вежбате попатно
Под ова мислиме дека е моќно да се одработат вежби на патот, да речеме до работа. Ако живеете на оддалеченост од десетина километри од работното место, тогаш дефинитивно би требало да користите велосипед. Ако сте на оддалеченост помала од споменатата и ако решите да одите со велосипед само два пати неделно, ќе согорите 3 000 калории – што е повеќе од половина килограм месечно.
Ги обликува мускулите
Велосипедистите се познати по убаво обликуваните нозе. Не е ни чудо со оглед на тоа дека во возењето учествуваат големите групи мускули: на потколеницата, мускулите на предната и задната страна од натколеницата, мускулите на задникот. Но освен мускулите на нозете активни се и оние кои овозможуваат правилна положба на телото – стомачните и мускулите на долниот дел од грбот. Мускулите на рацете ќе ги почувствувате ако се одлучите за возење по нагорнина.
Го чува срцето
Срцевите болести се една од најчестите причини за смртност на жените во светот, а двата најголеми ризици се висок притисок и покачен холестерол. Едно истражување опфатило 32 жени кои возеле велосипед со умерено до силно темпо три пати неделно, по барем половина час. После половина година нивниот притисок значително се намалил, како и холестеролот, а не треба ни да се споменува колкава кондиција стекнале. Токму затоа не за џабе се вели дека возењето велосипед го сака и срцето.
