За во текот на студените денови да бидеме во добра форма, сега е идеално време да се поведе сметка за здравите животни навики. Вистински момент е за мини-детокс: денот почнете го со чаша млака вода во која сте додале сок од половина или цел лимон. Во текот на денот јадете намирници кои му помагаат на телото да се ослободи од токсините. Тоа се на пример, зелениот лиснат зеленчук, брокулите, магдносот, артичоките, аспарагусот, цитрусите, ананасот, кивито, лукот, зелениот чај и сл.
Кога, пак, станува збор за витамините и минералите во овој период е клучен доволниот внес на витамин Ц, кој е вистинско оружје против умор и помага во борбата против настинка и грип, додека истовремено го забавува стареењето на нашите клетки.
Доколку деновиве чувствувате замор, посветете внимание на внесот на магнезиум – може да го внесувате преку диететски суплементи, но и намирници како што се зелениот лиснат зеленчук, бананите, јаткастите плодови и црното чоколадо, или со редовна консумација на минерална вода богата со овој минерал.
Исто така, за време на студените денови помалку се потиме, но и понатаму е мошне важно да се пие доволно вода барем 1,5 л дневно. Освен вода може да се пијат и топли напитоци како што се растителните чаеви, црниот и зелен чај и природно цедените сокови.
