Нова студија која во научното списание Nature ја објави глобален тим на научници, идентификувала 21 посточеки лекови кои ја спречуваат репликацијата на новиот коронавирус SARS-CoV-2 кој ја предизвикува болеста КОВИД-19.
Лековите биле идентификувани со скрининг на над 12.000 препарати.
Научниците анализирале една од најголемите светски колекции на познати лекови и информирале за 100 молекули кои покажале антивирусна активност во лабораториски тестови и сугерураат дека може да ја блокираат репликацијата на коронавирусот SARS-CoV-2.
Се покажало дека тие молекули се наоѓаат во 21 лек. И сите тие може да се користат во количини кои истовремено би биле безбедни за пациентите и ефикасни во лекувањето на КОВИД-19.
“Со оглед дека стапката на заразата и натаму се шири во светот, треба што поскоро да се пронајдат пристапни, ефикасни и лесно достапни лекови, како и лекови кои би можеле да се даваат профилактички или на првиот знак на инфекцијата“, предупредува еден од авторите на студијата Сумит Чанда, директор на Програмата за имунитет и патогенеза на институтот Sanford Burnham Prebys.
Во рамките на студијата, истражувачкиот тим ги проценувал лековите со биопсија на белите дробови на лица заразени со вирусот.
Научниците откриваат дека ФДА веќе одобрил два од 21. ефикасни лекови.
“Ова истражување значајно ги проширува тераписките можности за заболените од КОВИД-19, особено што за тие лекови веќе имаме податоци дека се безбедни за луѓето“м вели д-р Чанда.
