Студија на група фински научници покажала дека мајките кои за време на бременоста слушаат музика, на тој начин го поттикнуваат развојот на мозокот на бебето и нивното памтење. Дури и после раѓањето, бебето во следните 6 месеци се сеќава на звуците кои ги слушало додека било во матката.
Во споменатото истражување учествувале 12 трудници од кои 6 за време на последното тромесечје слушале различни мелодии, по 5 пати неделно во траење од по 15 минути.
Бебињата после раѓањето и 4 месеци подоцна повторно ги слушале споменатите мелодии, чии ноти биле изменети до 12 проценти. Кај бебињата кои пред раѓањето веќе биле изложени на слична музика, утврдена е поголема мозочна активност и поизразена мозочна реакција отколку кај бебињата кои порано не ги слушале овие мелодии.
Научниците врз основа на ова заклучиле дека пренаталната стимулација ги забрзува способностите за учење, како и дека бебињата се способни мошне рано да почнат да учат и ефектите од учењето подолго да се задржуваат во мозокот.
