Норма Вилијамс е Британка која живее во Италија. Кога луѓето ќе чујат дека има 70 години не и веруваат бидејќи изгледа многу, многу помладо. Вели дека вежба речиси секој ден и внимава што јаде. Сака да се облекува модерно и признава дека секоја вечер консумира по една чаша црно вино и знае да се почести и со по некое залче. Нејзиниот 10 години постар сопруг Лери е горд на неа.
Норма вели дека, пред се, гените се „виновни“ за тоа што изгледа витко, односно затоа што нејзината градба е таква.
„За мене одлична форма на телото е онаа која е исправена и без трошка прекумерна маснотија, добар струк и тело тонирано од глава до пети. Совршениот тип не мора да биде дефиниран ниту со висината ниту со типот на фигурата“, вели Норма.
Таа уште вели и дека секој ден вежба, и тоа уште од својата 20-годишна возраст, а рутината на вежбање ја менува на неколку месеци. Меѓудругото, оди на зумба и два пати на ден вежба интензивно. Кога се чувствувала изморено открила дека си зема слободен ден.
Како изгледа една нејзина физичка активност:
7:30 брзо одење, малку повеќе од еден километар, па се качува 60 скали. Потоа брзо изодува шест круга од по 1,5 километар. На крајот со брзо одење се враќа дома. Следува туширање.
Некаде околу средината на претпладнето шета со сопругот по истата патека од утрото – нешто повеќе од километар одење и 60 скали. На врвот прават два круга од по километар и се враќаат дома.
Вели, дека доколку забележи оти се здебелила само половина килограм над идеалната тежина, од 60,5 кг, тогаш ја удвојува утринската активност. Два пати неделно оди и во теретана на тренинзи со асистенција на тренер. Тренингот и трае 50 минути.
