Бананите содржат витамини А, Б6, Ц и Е. Освен тоа содржат и минерали како калиум, калциум, магнезиум, фосфор и селен. Калциум и магнезиум ни се потребни за цврсти коски и спречување несоница. Истражувањата покажале дека селенот е поврзан со спречување на карцином и проблеми со штитната жлезда. Калиумот е неопходен за функционирање на клетките.
На многумина ова омилено овошје не изгледа спектакуларно, но може да обезбеди многу придобивки за здравјето. Неодамна спроведена студија на списокот придобивки за здравјето додаде нови информации.
БАНАНА И ЗДРАВА ДИГЕСТИЈА
Минатата година спроведена е студија во Австралија која прегледувала 50 постари истражувања за подобро да ја сфати оваа поврзаност. Нагласена е употребата на пробиотици – живи бактерии кои може да се најдат во ферментираната храна и суплементи и влијаат на создавањето баланс во микробиотата. Од тука и сознанието колку влакната се важни за здравјето. “Тука настапува бананата која има голема количина на растворливи влакна, што всушност е тип на пребиотик“, истканува Сали Твелман, нутриционист. Пребиотиците, бактериите во свребата ги користат со цел варењето или дигестијата да биде редовна, но и за да се зајакне имуниот систем.
БАНАНАТА КАКО ХРАНА ЗА МОЗОКОТ
Здравата дигестија може да го подобри и менталното здравје. Емили Клермонт, нутриционист, вели дека во моментов бројни студии откриваат силна врска помеѓу мозокот и варењето на храната.
“Научниците велат дека промените во цревната микробиота може да ја нарушат комуникацијата со мозокот“, вели Клермонт.
Според истражувањата, причината може да биде воспалителен процес, а научниците токму воспалението може да го поврзат со анксиозноста и депресијата, па може да се заклучи дека треба да се грижите за варењето доколку сакате да бидете среќни. Но, сè уште постои прашањето што влијае на тоа: „Мораме да одговориме на тоа прашање – можеби промените во цревата се тие што влијаат на промените, а можеби и стресот е тој што ги прави промените во цревата“, вели нутриционистката.
