Научниците излегоа со нови откритија – иако долго време соиното масло се сметаше за многу здрав избор, очигледно сме биле во заблуда. Шеќерот и мастите се сметаат за најнездрава храна, кога станува збор за здравјето, но очигледно дека постои нешто што е уште понездраво од овие две работи, а тоа е маслото од соја, пишува „Дејли мејл“.
Станува збор за едно од најчесто користените растителни масла, а половина од растителните масла, кои се произведуваат во светот ги сочинува токму маслото од соја. Иако овој вид на масло не мора го имате на полиците во кујната, тоа е многу честа состојка на готовата, преработена храна во конзерви и слични пакувања.
Кога на производот пишува „растително масло“, главно, тоа е масло од соја или некоја негова компонента
Долго време соиното масло се сметаше за многу здрав избор, но резултатите на студијата, објавени во стручното списание „ Plos One“ укажуваат на низа причини зошто популарната состојка во кујната би можела да остави сериозни последици врз здравјето на поединецот, полоши и од шеќерот.
Во склоп на истражувањето на различни видови навики за јадење, истражувачите на Универзитетот во Калифорнија спровеле тестирање на лабораториски глувци. Тие им давале храна со 40 отсто маснотии, што е количина слична на онаа која ја консумираат повеќето Американци.
Едната група добивала заситени масти главно од кокосово масло, а другата била хранета со намирници врз основа на незаситени масти од масло од соја, на кои им е додадено кокосово масло. Втората група содржела иста количина на незаситени масти колку што консумира еден просечен Американец.
Во рамките на дополнителните два плана на исхрана, истражувачите им дале на глувците две верзии на храна богата со масти со додадена фруктоза, шеќер содржан во овошјето и во медот.
Шеќерот и мастите се сметаат за најнездрава храна, кога станува збор за здравјето, но очигледно дека постои нешто што е уште понездраво од овие две работи, а тоа е маслото од соја
Храната на сите четири диети содржела ист број на калории, што значи дека научниците може да го оценат реалниот ефект на разни видови на масла и фруктоза врз организмот на глувците.
Очекувале дека глувците кои јаделе масти со фруктоза ќе добијат најмногу на тежина и ќе развијат најголема отпорност на инсулин, но резултатите биле изненадувачки.
Најмногу на тежина добиле глувците од групата кои јаделе храна со масло од соја, 9 отсто повеќе од глувците кои јаделе масна храна со фруктоза и 25 проценти повеќе од оние кои јаделе масти од кокосово масло.
Кај глувците кои консумирале масло од соја биле забележани замастен црн дроб и поголема резистенција на инсулин.
Австралиската нутриционистка Линда Коен објаснила дека половина од растителните масла, кои се произведуваат во светот се, всушност, масло од соја, кое поради ниската цена, се користи во преработената и спакувана храна.
Кога на производот пишува „растително масло“, главно, тоа е масло од соја или некоја негова компонента.
