Нејзините обожаватели велат дека престанала да старее во нејзините триесетти години. Иако во февруари следната година Џенифер Анистон ќе дува 50 свеќички на роденденската торта, ќе се согласите, изгледа барем 15 години помладо.
Која е нејзината формула? Пред се, добрите и здрави навики. Американската актерка открива дел од своите тајни за добриот изглед.
Здрава храна – Анистон се храни здраво, а предност дава на свежиот органски зеленчук и овошје, житарките со цели зрна и немасни протеини. За појадок обично јаде тост со поширано јајце и парчиња авокадо, а за ручек ужива во совршена салата, составена од варен булгур, свежи краставици, кромид, грашок, фета сирење и ф’стаци.
Медитира – Џенифер знае дека стресот е тивок и моќен убиец, кој може да се неутрализира со здрав начин на живот и добри навики. Затоа секој ден издвојува 20 минути за медитација
Пие многу вода – „Луѓето се толку мрзливи кога станува збор за пиење вода, но јас се навикнав секој ден да пијам најмалку три литри обична вода. Водата е толку важна за здравјето“, додава актерката, која вели дека наутро задолжително пие топла вода и свежо цеден сок од лимон.
Вежба – Обожава јога, сака да вози велосипед, да трча, да плива и да вежба со својот личен тренер. Тренира секој ден, без исклучок.
Нега на кожата – За да ја задржи кожата младешка, секое утро го мие лицето со хранлив сапун, потоа нанесува тонер за лице и серум. Употребува хидратантна крема и крема за сончање. Редовно оди на козметичар.
Внимава на косата – Се грижи многу за нејзината коса, ги употребува најкалитетните препарати и не користи фен за сушење коса.
Ноќни ритуали – Никогаш не легнува без да ја отстрани шминката од нејзиното лице.
Има добри гени – „Татко ми има 85 години и едвај по некоја брчка“, вели Анистон. Очигледно младоликоста ја должи и на добрите гени.
