Акните навистина не влијаат добро на самодовербата, а може да се каже и дека сами по себе претставуваат извор на стрес. Да биде уште поголема иронијата, истражувањата потврдиле дека акутниот стрес навистина може да влијае на појавата на мозолчиња. Денес зборуваме за три природни состојки кои можете да ги нанесете на мозолчето за да го забрзате опоравувањето на кожата.
Мед – делува антибактериски, го намалува црвенилото додека истовремено помага за хидратација на кожата. Нанесете го директно на мозолчето и оставете го да делува 15 минути. Потоа измијте со вода.
Лук – благодарение на алицинот кој го содржи, делува антибактериски, антифунгално и антивирусно. Лукот го ублажува воспалението и ги убива бактериите кои ги предизвикуваат акните. Еве што треба да направите: иситнете чешне лук и неколку капки сок разблажете со исто количество вода или масло од јојоба пред смесата да ја нанесете на мозолчето. После 10 минути измијте со вода. Доколку имате чувствителна кожа, обавезно пробајте како реагира вашата кожа на оваа смеса и тоа на внатрешната страна од подлактицата.
Масло од чајно дрво – има антибактериско и антифунгално дејство, а ефикасно помага кај поблагите облици на акни. Измешајте една капка масло од чајно дрво со 2 лажици вода и со добиената смеса натопете тупфер (или малку вата), па ставете на проблематичните места и оставете да стои 15 минути.
