Генетиката и годините во голема мера влијаат на нашиот метаболизам, и одделни навики, активности и храната битно можат да го поттикнат метаболизмот, односно да го зголемат бројот на калории кои телото ги согорува во текот на денот.
Една од поважните навики е редовно да се појадува – појадокот богат со протеини го активира метаболизмот од самиот почеток на денот и ги намалува шансите дека меѓу оброците ќе почувствуваме пад на енергијата и замор. Прескокнувањето на појадокот може да се поврзе и со поголем ризик од вишок килограми, а се покажало и дека овој ризик особено е изразен кај жените.
Истражувањата, исто така, покажале дека недостатокот на калциум може да го забави метаболизмот. За да го спречите ова, редовно консумирајте намирници богати со калциум.
Лутата храна, исто така, го поттикнува метаболизмот и може да доведе до тоа да согориме дополнителни 100 калории дневно. Освен поволното дејство врз метаболизмот, постојат уште неколку причини заради кои е добро да се користат зачини и да се јаде лута храна.
Кафето и зелениот чај краткотрајно го забрзуваат метаболизмот – една шолја кафе го зголемува метаболизмот за 5 до 8 проценти, а шолја чај за 12 %. За овој ефект е заслужен кофеинот од кафето, односно катехините од чајот.
Аеробните активности како што се брзото одење, трчањето, пливањето, возењето велосипед или прескокнувањето јаже го подобруваат метаболизмот, а нивниот ефект трае и до 14 часа после тренинг за време на кои можеме да согориме дополнителни 200 калории. Дваесет до триесет минути кардио вежби, 2 до 3 пати неделно, доволно е за набрзо да почувствуваме позитивни промени и да видиме резултати.
