Норвешките експерти откриле дека ова слатко-кисело овошје може да биде одлична алатка за намалување на крвниот притисок. Во нивната студија биле вклучени повеќе од сто луѓе со просечна возраст од 55 години, поделени во две групи: едните дневно јаделе три кивија во период од осум недели, додека другите јаделе по едно јаболко. На почетокот на студијата, притисокот на сите учесници им бил малку зголемен (128/85). Тие не менувале ништо друго во нивната исхрана.
Истражувачите откриле дека малото зелено овошје може да го намали притисокот повеќе отколку јаболкото. Во просек, систолниот крвен притисок бил 3.6 мм на живиниот столб понизок кај луѓето кои јаделе кивија во однос на оние кои секојдневно јаделе јаболко.
Антиоксидантот лутеин го штити видот, а се верува дека, исто така, помага и при висок крвен притисок. Ова овошје е богато и со калиум, уште еден регулатор на притисокот. Кивито го намалува холестеролот, ги неутрализира слободните радикали, го стимулира имунолошкиот систем и помага во елиминирањето на токсините од телото – одлични причини за подобрување на здравјето.
„Кивито не е волшебно овошје, но, секако, ако го додадете во вашата исхрана, може да помогне во намалување на благо покачениот притисок“, објаснува Сузан Штајнбаум, кардиолог, кој ги коментирал резултатите од истражувањето.
Експертите предупредуваат дека не треба да се ограничите само на кивија ако сакате да го промените својот притисок. Што и да јадете – не престанувајте да ги земате лековите за притисок без консултации со вашиот доктор.
