Иако многумина би се обложиле дека храната предизвикува чир на желудникот, тоа не е така. Ниту стресот нема да предизвика чир. Но ако веќе имате чир на желудникот факт е дека и храната и стресот и тоа како ќе влијаат на вашето здравје и, за жал, ќе ги влошат симптомите. Истражувањата покажуваат дека чирот на желудникот во најголем број случаи е предизвикан од бактеријата хелихобактер пилори. Но причината за појава и развој на чир може да биде и долготрајната употреба на одредени лекови. Да се спомене треба и пушењето, исто така, и тоа игра важна улога. Нашиот желудник секојдневно и во повеќе наврати се полни со желудочни сокови, од кои го штити дебел слој слуз. Кога ќе се случи да нема слуз, односно таа да пресуши, желудочните сокови почнуваат да го нагризуваат желудочното ткиво заради што доаѓа до создавање чир.
Ова се први симптоми кои укажуваат на појава на чир на желудникот:
Болка во стомакот
Нималку изненадувачки, зарем не? Но ако знаеме дека болката во стомакот се јавува и кај другите тегоби и болести, можеме да кажеме дека болката во стомакот е поприлично лажлив симптом. Се јавува затоа што желудочната киселина, како што споменавме, го нагризува желудочното ткиво. Така што чирот не се ништо друго освен рани во желудникот или на тенкото црево.
Мачнина и/или повраќање
Чирот на желудникот предизвикува повремени контракции, па оттаму подждригнувањето и мачнината, а ако мускулите на стомачниот ѕид доволно силно се собираат може да дојде и до повраќање. Се разбира, дека треба работите да не се гледаат црно, но превенцијата е секогаш препорачлива.
Жарење
Еднаш кога ќе се отвори чирот на желудникот е постојано под влијание на киселината. Тоа освен болка предизвикува симптоми како што се надуеност, подждригнување, киселина во грлото, но и жарење.
Болка во грбот и/или градите
Никогаш не би претепоставиле дека е можно. Но да, чирот на желудникот не предизвикува само болка во стомакот, туку може да се чувствува и болка во градите и грбот, особено ако киселината продрела низ ѕидовите на цревата.
Крв во столицата
За чировите е познато дека можат да крвават што најдобро се гледа на столицата која е мошне темна, речиси со црна боја. Тоа значи дека „вариме“ крв, што, пак, значи дека ни пукнал чирот.
Како да знаете дали пукнал чирот?
- Се јавува остра болка меѓу градната коска и папокот (на празен желудник);
- Болката во стомакот е поинтензивна навечер;
- Стомакот е крут и чувствителен на допир (и кога е празен);
- Отчукувањата на срцето се засилени;
- Столицата е црна, крвава;
- И кога повраќате, повраќате крв.
И на крај наведените симптоми ретко кого ќе асоцираат на рак на желудникот, но тоа никако не значи дека оваа болест можеме само така да ја отпишеме.
