Грдиот вкус во устата може да биде нешто сосема неважно, но исто може да биде и симптом за нешто многу посериозно. Неважно дали е тоа горчина, киселост или вкус на метал, постои причина за тоа. Поради тоа, секогаш е добро да се размисли што сте јаделе или како сте се чувствувале во изминатите денови.
Чудниот вкус во устата може да се појави поради:
Габична инфекција
Габичната инфекција во устата создава бели точки на грлото и на јазикот. Таа е предизвикана од бактеријата candida albicans која е нормален дек од бактериите во устата, а ја контролира имуниот систем. Но, кога имунитетот ќе ослабе, бактеријата може брзо да се размножи и да создаде инфекција. Освен вели точки, симптом на инфекцијата е и чуден вкус во устата.
Бременост
Освен замор и мачнини, многу трудници се жалат дека чувствуваат вкус на метал во устата. Хормоните може да влијаат и на сетилот за мирис и за вкус.
Недостиг на цинк
Ако во телото не се внесува доволно цинк, тогап може да дојде до појава на необичен вкус во устата. Но, причината не е јасна, и научниците се обидуваат да откријат зошто тоа се случува. Според едно истражување, цинкот го зголемува протеинот – густин кој ги контролира малите ситни топчиња на јазикот.
Зголемен стрес
Стресот и нервозата може да предизвикаат сувост на устата, а со самото тоа и намалување на количината на плунка. Ако телото не произведува доволна количина на плунка, тогаш се јавува необичен вкус во устата.
