Лицата со кластер главоболки имаат повеќе од три пати поголема веројатност да развијат други медицински состојби како што се срцеви заболувања, ментални нарушувања и други невролошки болести, се наведува во студијата објавена во списанието Neurology.
Кластер главоболката го добила името по тенденцијата да се јавува во серии. Болката е присутна само на едната страна од главата, често во близина или околу окото. Тешка е и продорна, а пикот го достигнува за само неколку минути.
Оваа главоболка најчесто трае од 15 минути до 3 часа, а потоа бледее или исчезнува, за да се врати ден или два подоцна.
За разлика од мигрената, која повеќе ги погодува жените, кластер главоболките се почести кај мажите и обично почнуваат да се појавуваат на возраст од 25 до 50 години. Тешките пушачи ги добиваат почесто од непушачите. Стресот, алкохолот и консумирањето одредена храна кај некои лица се најчестите тригери за главоболки, но лекарите не ја знаат нивната главна причина.
Се проценува дека овој здравствен проблем се јавува кај едно од 1.000 лица и може да биде знак за проширени или отечени крвни садови. Доказите упатуваат дека кластер главоболките се поврзани со абнормалности во подрачјето на мозокот одговорна за производството на серотонин (хормонот на среќата), мелатонин (хормонот за спиење) и кортизол (хормонот на стрес).
- Кои болести се поврзани со кластер главоболката?
Студијата ја спровеле шведски научници кои сакале да проучат колкав е мултиморбидитетот меѓу пациентите со кластер главоболка. Мултиморбидитет значи истовремено присуство на повеќе различни хронични болести кај ист пациент. Целите биле да се истражи појавата на мултиморбидитет специфичен за оваа дијагноза кај пациентите и да се споредат референците и можната поврзаност на тоа со нивното отсуство поради боледување и инвалидска пензија.
Во нивното истражување учествувале 3.240 луѓе со кластер главоболки на возраст меѓу 16 и 64 години. Тие ја споредиле таа група со 16.200 луѓе кои биле на слична возраст, пол и други фактори. Најголем дел од испитаниците биле мажи, кои се повеќе склони кон овој здравствен проблем.
Истражувачите ја прегледале и работната евиденција за да утврдат колку денови во текот на годината луѓето отсуствувале од работа поради болест или инвалидитет.
Тие биле изненадени од податокот дека 92 отсто од луѓето со кластер главоболки имале дополнителни болести. Мнозинството, 52 отсто, имале здравствени состојби кои вклучуваат проблеми со нервниот систем, во споредба со 15 отсто без кластер главоболки. По нив следеле учесници кои покрај кластер главоболки имале здравствени проблеми на мускулно-скелетниот систем кои предизвикуваат долготрајна болка и проблеми со подвижноста.
Болестите кои влијаат на крвта, имуниот систем, ендокриниот систем и метаболизмот, како и состојбите поврзани со бременоста, биле многу ретки во двете групи.
Оние со кластер главоболки пропуштиле во просек 63 работни дена во споредба со оние без оваа состојба кои пропуштиле 34 дена.
Иако мажите се повеќе склони кон оваа состојба, повеќе жени со кластер главоболки маат дополнителни болести.
“Нашите резултати покажуваат дека луѓето со кластер главоболки не само што имаат зголемен ризик од други болести, туку и оние со најмалку една дополнителна болест пропуштиле четири пати повеќе работни денови поради болест и инвалидитет од оние со само кластер главоболки“, објаснува Керолајн Ран. Автор на студијата од Институтот Каролинска во Стокхолм.
- Што предизвикува кластер главоболка?
Точната причина е непозната, но семејната историја на овој здравствен проблем може да ја влоши состојбата. Циклусот на напади обично трае шест до 12 недели со ремисии кои траат до една година. Многу луѓе доживуваат еден до два напади годишно. Научниците откриле дека овие навики поттикнуваат епизоди на кластер главоболки:
- Употреба на алкохол
- Пушење
- Промена на висока надморска височина
- Силна светлина
- Вежбање или напор
- Топлина, без разлика дали е време или бања
- Храна која содржи нитрати, како сланина или месо
