Ако имате нередовни менструации, имате и сериозна причина за загриженост. Имено, ново научно истражување донело шокантен заклучок – жените кои имаат нередовни циклуси имаат значајно поголема веројатност дека млади ќе починат.
Стручњаците велат дека нивните наоди покажуваат дека жените на кои им изостанува менструацијата или имаат нередовни циклуси за тоа треба да разговараат со својот матичен лекар, бидејќи тоа може да укажува на посериозна здравствена состојба.
Истражувачите од Универзитетот Харвард ги анализирале податоците на 80.000 жени во менопауза на просечна возраст од 38 години, кои ги информирале за должината на нивниот менструален циклус во период од 20 години.
Жените со нередовен циклус имале значајно поголема веројатност да имаат прекумерна телесна тежина, висок крвен притисок, зголемен холестерол, дијабетес или нагласена влакнетост. Стручњаците заклучиле дека тоа веројатно е последица на хормоналната нерамнотежа, додавајќи дека менструалните циклуси кај жените се добар показател за нивното целокупно здравје.
По прилагодување на резултатите на возраст, тежина и начин на живот, студијата покажала дека жените кои имале нередовни циклуси на возраст од 29 до 47 години, имаат речиси 70 проценти поголема веројатност дека рано ќе починат. А, жените со циклус подолг од 40 дена, исто така се соочиле со многу поголем ризик во споредба со оние кај кои циклусот траел од 26 до 31 дена. Студијата вели дека како главен ризик се покажала смрт од срцеви болести.
Научниците велат дека тоа е веројатно поради тоа што хормоналниот дисбаланс поврзан со нередовни менструации може да предизвика и други болести, вклучувајќи рак, дијабетес и болести на срцето.
Изостанокот или нердеовните циклуси исто така често се предизвикани од синдром на полицистични јајчници кој е поврзан од абнормално ниво на хормони, вклучувајќи високо ниво на инсулин што го зголемува ризикот од дијабетес и кардиоваскуларни болести.
