Масната кожа на лицето и телото мали огромен број жени и мажи. Проблемот е што скапите козметички препарати не помагаат, особено доколку паралелно не се променат и навиките во исхраната. Постојат повеќе типови намирници кои треба да се избегнуваат доколку не сакате да ви сјае лицето, а исто така има и храна која дерматолозите ја препорачуваат како соодветна за овој тип на проблем.
Јадете овошје и зеленчук богати со влакна
Намалете го внесот на токсини во телото и ќе и направите голема услуга на кожата чија работа е да ги исфрли. На тој начин ќе се намали и излачувањето на маснотии на лицето и телото. Тоа ќе го постигнете ако на исхраната и додадете свежо овошје и зеленчук, богати со влакна.
Заборавете го рафинираниот шеќер
Шеќерот ги поттикнува воспалителните процеси во телото и предизвикува хормонален дисбаланс, а тоа се манифестира како сјајна кожа на лицето. Затоа, избегнувајте шеќер и ќе се ослободите од маснотиите и мозолчињата на лицето
Избегнувајте рафинирани јаглехидрати
Ако имате масна кожа, треба да ги избегнувате сите рафинирани јадења. Овие производи се исто така одговорни и за складирањето маснотии околу половината, а лекарите ги поврзуваат и со дијабетес и срцеви заболувања.
Јадете производи од цели зрна
Житарките од цели зрна се богати со антиоксиданси и влакна. Кафеавиот ориз, овесот, киноата и тестенини од цели зрна се добри за вашата кожа.
Внимавајте со млечните производи
Лекарите наведуваат дека млекото и млечните производи не се добри за кожата, бидејќи поттикнуваат воспалителни процеси во телото. Ако се плашите дека нема да внесете доволно калциум во телото, не грижете се – зелениот зеленчук изобилува со овој минерал
Јадете ореви и семиња
Тие се вистинска ризница на здрави маснотии. Грицкајте ги како здрава ужина или измешајте ги во салата, со јогурт или овесни снегулки …
