За нормален и продуктивен живот, човекот мора да биде здрав – и ментално и физички. Анксиозноста претставува голема пречка, а обично произлегува од стравот или надежта дека сакаме нешто што не е достижно, актуелни животни проблеми, како и притисок што го чувствуваме „одвнатре“.
Кога чувството на паника и вознемиреност ќе го обземе вашето тело, обидете се со користење на овие едноставни техники да ја потиснете анксиозноста. Во продолжение – три едноставни начини како да се справите со паничните напади.
Правете склекови
Склековите се најдобриот начин да ги свртите мислите од менталната анксиозност и да обезбедите доволна количина на крв да проструи низ вашето тело за да ви биде полесно. Склековите не прават посилни, не само физички, туку ни овозможуваат и да размислуваме потрезвено поради забрзаната циркулација на крв низ нашиот мозок. Кога ќе почнувате да ги правите помалку ќе размислувате за своите проблеми, со што ќе ја намалите вашата анксиозност.
Вдишете длабоко
Кога ќе почувствувате дека се соочувате со паника и мислите дека нема да успеете да се изборите со неа, вдишете длабоко неколку пати. Размислете за некој рационален план и смислете акција која ќе ве натера да не мислите негативно и да допуштите паниката да победи. Вдишете, седнете мирно неколку минути, слушајте го секој шум околу вас, зашто на тој начин ќе ги одвлечете мислите од проблемот. Дишете длабоко додека не се почувствувате посмирено.
Возете велосипед
Можеби звучи несоодветно, но навистина помага. Не само што возењето велосипед е вид на вежбање, туку и ве става во темпо на ритмичко вежбање. Додека се возите низ парковите, повеќе се поврзувате со природата, а тоа ви помага да најдете мир.
