Голем број на симптоми се врзуваат за болеста КОВИД-19 што понекогаш е тешко сите да се запомнат, а покрај болки во грлото, температура, кашлица и замор, и очите може да оддаваат проблем, за тоа многу малку се зборува. Стручњаците сепак откриваат како да знаете дека за вашите проблеми со очите е одговорна болеста КОВИД-19.
ЧУВСТВИТЕЛНОСТ НА СВЕТЛИНА
Д-р Брајан Вахлер, офталмолог, открива дека се работи за состојба кога светлината им пречи на вашите очи, а се нарекува фотофобија. КОВИД може да ја предизвика оваа состојба кај околу 14 проценти од пациентите кои го имале. Исто така, многу луѓе не знаат дека со триење на окото може да се пренесе коронавирус, па затоа не треба да го прават тоа.
ШТО ДА НАПРАВИТЕ АКО ОВАА СОСТОЈБА НЕ ПОМИНУВА?
“За почеток, добро е да користите вештачки солзи. Исто така, долгото гледање во монитор може да предизвика да трепкаме и до 30 проценти помалку, што ќе ги суши очите и проблемот само ќе се влоши. Намалете го осветлувањето и изложувањето на сина светлина. Кога сте на отворено, секако носење очила за сонце кои ќе ги блокираат сончевите зраци и на тој начин ќе ги ублажат вашите симптоми.
ВИРУСЕН КОНЈУКТИВИТИС
Офталмологот д-р Вахлер наведува дека КОВИД-19 може да предизвика црвенило на окото, но тоа ретко се случува. Вирусите се причина за конјунктивитис, а начинот на кој може да се пренесе е најчесто со раце – доколку допрете заразено место и ги триете очите со раката. Токму поради оваа причина е важно често да ги миете рацете. Исто така, не делете перници, крпи и шминка за да избегнете инфекција бидејќи е многу заразна. Симптомите може да траат до седум дена, а вклучуваат црвенило, отекување на очните капаци, чувство дека нешто ве гребе во окото и исцедок. Иако третман не постои бидејќи сам се повлекува, има работи што можете да ги направите – набавете креми без рецепт кои ќе ви помогнат или ставајте топли облоги на окото.
ЗАМАГЛЕН ВИД
Понекогаш инфекцијата со коронавирус може да доведе и до заматен вид, често симптомите се благи, но можат да влијаат на непријатноста. Во прашање е губење на визуелната острина кога предметите не можат да се видат како што всушност изгледаат. Но, понекогаш тоа може да биде симптом на посериозна состојба. Секогаш е неопходно да се консултирате со лекар доколку не можете да го решите проблемот и ако мислите дека се работи за нешто посериозно.
БЕЛИ ТОЧКИ НА ОКОТО
Д-р Шели Деј Гафури, офталмолог, вели дека податоците откриваат дека ова е една од најчестите промени на кои се жалат пациентите кои имаат КОВИД-19 и ваков проблем со очите, а наведуваат дека им се чини дека имаат мали честички памук околу окото. Се работи за бели дамки во мрежницата и откриваат дека низ неа не поминува доволно крв. Бидејќи овие промени се видливи само при преглед кај офталмолог, дефинитивно треба да посетите лекар
ОКЛУЗИЈА НА РЕТИНАЛНА ВИНА
Д-р Гафури открива “Дополнителни истражувања покажаа дека КОВИД-19 може да ја предизвика и оваа состојба, а се работи за тоа да овие вени ќе го блокираат дотокот на крв во окото и мрежницата и може да доведат до губење на видот ако не се третираат правилно. Податоците покажуваат дека оваа промена може да се забележи само при преглед кај лекар, затоа е неопходно да се јавите во ординација доколку се појават симптоми.
