Ако имате сестра, голема е веројатноста дека сте посреќни и пооптимистички настроени од другите, потврдија учесниците во истражувањето на два различни универзитети во Велика Британија.
Испитаниците на возраст од 17 до 25 години пополнуваа прашалник кој психолозите подоцна го искористија за да добијат увид во нивната психолошка состојба, ментално здравје и ниво на задоволство.
Резултатите говорат дека сестрите ги охрабруваат своите браќа да станат поотворени и покомуникативни особено кога се работи за нивните чувства, што е корисно за менталното здравје
Сестрите помагаат да се дојде до хармонија во семејството што се постигнува со изразување на емоции. Ова е особено корисно за браќата, кои најчесто немаат тенденција да ги делат чувствата со другите. Момчињата обично одбиваат да зборуваат за било што, додека девојките не трпат тишина.
Овие емоции се уште повеќе изразени во семејствата чии родители се разведени.
Резултатите од истражувањето ќе се искористат за да се развијат нови методи за поддршка на семејствата кои минуваат низ тежок период, како што е распаѓање на бракот или несогласување внатре во семејството.
Второто истражување, спроведено на Универзитетот во Биргхам, испитало 395 семејства со повеќе од едно дете, при што се дошло до заклучок дека луѓето кои имаат сестра се пољубезни. Секако, да се има и брат, исто така, има некои добри страни, но само во случај ако браќата добро се согласуваат и нивниот однос не е натпреварувачки.
