Студијата објавена во магазинот Journal of Bone and Mineral Research ја спровеле истражувачите од Медицинскиот факултет од Универзитетот Сао Паоло во Бразил. Пропаѓањето на мускулната маса со годините се нарекува саркопенија и е една од најважните причини на функционалното опаѓање и губитокот на можноста за самостојно движење кај возрасните.
Истражувачите прегледале наоди на 839 учесници постари од 65 години користејќи клинички податоци, лабораториски прегледи и состав на телото со помош на двоенергетска апсорпциометрија со рендгенски зраци. Исто така, ја анализирале и густината на коските, примероци од крв и одговорите на прашалници за да ја проценат исхраната, консумирањето алкохолни пијалаци, пушењето, физичката активност и присуството на хронични болести вклучително и дијабетес, висок крвен притисок и дислипидемија (ненормално високо ниво на маснотија во крвта).
„Го проценивме телесниот состав на оваа група, сосредоточувајќи се на мускулната маса, поткожната маснотија и висцералната маснотија. Потоа се оибидовме да утврдиме кој од овие фактори би можел да ја предвиди смртноста во следните години“, рекла Роса Мариа Родригез Переира, ревматолог.
Користејќи двојна апсорпциометрија со рендгенски зраци (ДХА), позната и како скенирање на густината на коските, истражувачите можеле да го утврдат составот на телото. Тоа е направено со помош на дензитометар од претходната студија, која ја проценила преваленцијата на остеопороза и кршливоста на коските кај постарите жени кои живеат во западниот дел на Сао Паоло. Во двата проекта биле проучувани исти личности постари од 65 години.
Кога се завршило четиригодишното истражување 43,2 отсто од учесниците умреле од кардиоваскуларни проблеми, но и 15, 8 од други причини. Стапката на смртност во оваа причина била 20 отсто за мажите и 13 отсто за жените.
Саркопенијата (губитокот на мускулна маса) ги погодува 46 отсто од луѓето постари од 80 години. Во комбинација со остеопороза може да се зголеми ранливоста на постарите луѓе затоа што стануваат посклони на физички повреди, падови и кршења. Врз основа на карактеристиките на заедницата истражувачите можеле да откријат кои личности може да се смета дека имаат саркопенија. Оваа состојба може да се спречи и може да се подобрат прогнозите со физички вежби и јакнење на мускулите.
