Лаура Ромеро, долго време мислела дека црвениот осип, кој уште во септември и се појавил на раката е само алергиска реакција на детергентот за перење алишта. Но, сепак и било малку чудно што се наоѓа покрај десниот лакт.
“Никогаш претходно не сум имала таков осип“, вели 28-годишната Американка, која се жалела дека има постојан јадеж и јазол кој се појавил во меѓувреме и целата состојбата наликувала на егзема, која пациентката никогаш претходно ја немала.
Ромеро е пациентка со долготрајни симптоми на болеста. КОВИД-19 и бил дијагностоцоран во август, со симптоми како отежнато дишење, повраќање и болки во телото. Се уште страда од мачнини, главоболки и постојано е уморна. Таа не е единствен случај. Голем број пациенти со долготрајни симптоми пријавуваат дерматолошки проблеми, вклучувајќи лезии и црвен, лушпест осип. Се споменува и црвенило и отоци на ножните прсти, т.н. КОВИД прсти. Понекогаш овие проблеми се појавуваат заедно со останатите рани симптоми; а во други случаи може да поминат недели или месеци од поставување на дијагнозата, пред да се појават проблеми со кожата.
Лекарите во Општата болница во Масечусетс летоска документирале над 300 пациенти со коронавирус кои имале дерматолошки проблеми, стои во извештајот претставен на годишниот состанок на Европската академија за дерматологија и венерологија.
Овие состојби вообичено би траеле околу 12 дена; КОВИД прстите и нешто подолго 0 околу 15 дена, иако се забележани случаи кај кои тие симптоми биле присутни повеќе од 130 дена. Лушпестиот осип вообичаено траел 20 дена.
“Откривме претходно непријавена подгрупа на пациенти со долготрајни кожни симптоми на КОВИД-19, посебно оние со КОВИД прсти“, вели д-р Естер Фриман.
Кај Американската Ромеро, осипот трае веќе осум недели. Се проширил кон подлактицата, но не и на други делови на телото. Чешањето не неподносливо, кожата и пука, се отвораат рани и се создаваат улкуси (чиреви).
Некои докази сугерираат дека кожните состојби можеби се почести кај долготрајни пациенти. Во истражување на 4000 асимптоматски пациенти со КОВИД-19, само 36 од нив изјавиле дека развиле осип во текот на првите 10 дена од појавата на симптоми. Но, во јулско истражување на над 1.500 инфицирани лица, 247 пациенти рекле дека имале осип по телото. 170 пациенти се жалеле на отечни прсти или отоци на стапалата.
Едно од потенцијалните објаснувања вели дека коронавирусот може директно да ги оштети клетките на кожата. Осипот и лезиите може да настанат и поради ситни мали згрутчувања во кожата. Некои истражувања покажале дека КОВИД-19 всушност е васкуларна болест, што значи дека може да патува низ крвните садови.
Но, лекарите имаат уште една теорија, зошто осипот се создава по неколку недели или месеци: многу случаи на долги патеки веројатно произлегуваат од агресивниот имунолошки одговор на вирусот, кој може да покрене трајно воспаление.
