Делта сојот на коронавирусот сигурно ќе преовладее, предупредуваат стручњаците. Тие претпоставуваат дека овој делта сој е позаразен од алфа сојот (британскиот) за 23 до 60 проценти, што зависи од податоците во литературата.
“Се шири исклучително брзо, присутен е во повеќе од сто земји во светот. Имуноинвазивен е, т.е. ја ‘избегнува’ имуноста што ја добиваме со прележување или вакцинирање, особено ако се вакцинираме со само една доза вакцина. Тоа значи дека две третини од луѓето, ако се вакцинираат само со една доза, за 2 до 3 недели може да заболат симптоматски. Но, само 10 проценти од луѓето кои се вакцинирани со двете дози може да се заразат со делта сојот“, вели имунологот Златко Тробоњача и нагласува дека вакцината АстраЗенека има малку послаба ефикасност – околу 70 проценти.
“Ако се вакцинирате со вакцината на Фајзер или Модерна, имате 20 пати помали шанси да се хоспитализирате во случај на контакт со делта сојото на коронавирусот“, нагласува д-р Тробоњача.
На што се должи оваа епидемиолошка ситуација?
“На прво место е вакцинацијата, особено кога се работи за делта сојот. Без оглед на сезоната, постои опасност тој да се прошири и затоа е исклучително важно што побрзо да се вакцинира со две дози. Затоа, да го искористиме ова летно време кога нашиот имун систем подобро функционира и да се вакцинираме. Меѓу другото и бидејќи се плашиме од четврт бран на есен“, вели тој.
Како ќе се знае дали ќе биде потребна и трета доза?
“Имунитетот по втората доза може да асе зголеми од 210 дена и на една година, оти податоците покажуваат дека постои релативно слаба концентрација на антитела и наши мемориски системи, барем осум месеци од вакцинирањето, а со оглед на трендот на параметри, може да се очекува дека тоа би можело да биде и повеќе од 10 месеци“, вели имунологот.
