Низ светот се појавуваат нови соеви на вирусот SARS-CoV-2. Најбро се шири варијантата откриена во Велика Британија, а се стравува и од глобална циркулација на соевите кои прв пат се забележани во Јужноафриканската Република и во Бразил. Колку се опасни и што може да превземеме, објаснуваат имунолозите од Школата за јавно здравје Џон Хопкинс Блумберг во водичот низ најновите сознанија за пандемијата.
Дали новите варијанти на коронавирусот навистина се толку преносливи и зошто?
Некои цврсти докази сугерираат дека варијантата на вирусот што доаѓа од Велика Британија навистина е “попренослива“ од претходните соеви. Во моментов постојат две теории за тоа овие соеви, пред се “британскиот“ го прави попренослив.
Првата теорија вели дека оваа варијанта на вирусот е „полеплива“. Тоа значи дека и е потребна помала количина на вирусот за да предизвика инфекција, бидејќи подобро се прилепува за човечките клетки.
Втората теорија вели дека оваа варијанта задржува повеќе вирусни честички во носот и грлото на заразените, што значи дека повеќе вируси се исфрлаат во околината кога луѓето зборуваат, кашлаат или киваат. Токму тоа придржување кон мерките – носење маска, одрежување физичко растојание и лична хигиена – може да помогнат во тоа да вирусот не се разнесува.
Постои ли разлика помеѓу “преносливост“ и “заразност“ на вирусот? Зошто понекогаш се користи едениот, а некогаш другиот поим?
„ПРЕНОС“ често се споменува кога се зборува за популации, додека “ЗАРАЗНОСТ“ почесто се користи кога се зборува за поединец.
Влијае ли појавата на нови соеви на насоките за тоа како да се заштитие себе и останатите од новите варијанти?
Се што делува против постарите варијанти на вирусот – маски, дистанца и миење раце – треба да делува и против новите варијанти. Но, поголемиот пренос би можел да значи повеќе случаеви, а тоа пак може да го зголеми ризикот за поединците и да го преоптовари болничкиот систем. Поради тоа, можеби ќе се засилуваат различни мерки на затворањата и ограничувања.
Колку е вообичаено вирусот да мутира? Колку често тоа се случува?
Сите вируси мутираат, а SARS-CoV-2 мутира со прилично константна бризна откако влезе во човечката популација. Еволуцијата на вирусите обично не е тешко да се следи, оти наоѓаме сродни вируси со помалку мутации. Оваа нова варијанта на коронавирусот кој предизвикува КОВИД-19, акумулираше исклучително голем број на мутации. Важно е да се открие како овој вирус толку пати мутираше, а тоа да не е претходно забележано.
Зошто стручњаците веруваат дека моментално одобрените вакцини ќе бидат ефикасни и против новите варијанти? Зошто тоа се разликува од вакцинирањето против грип, за кој треба да се вакцинираме секоја сезона?
Следејќи ги мутациите на spike протеинот на оваа нова варијанта, се чини дека вирусот и натаму треба да биде чувствителен на антителата индуцирани со вакцината. Научниците тоа допрва треба да го потврдат.
Грипот мутира побрзо од вирусот SARS-CoV-2 и се чини дека содржи повеќе мутации во своите гени. Поради тоа е поверојатно дека ќе се развие отпорност на постоечките антитела.
Некои велат дека вирусите со мутирањето стануваат „попреносливи“, но дека губат дел од својата моќ; со други зборови, станува помалку веројатно да предизвика посериозна болест. Дали е ова вистина и дали е разумно да се очекува ова од коронавирусот SARS-CoV-2?
Првичните податоци сугерираат дека новата варијанта предизвикува иста количина на болест како и другите соеви на вирусот SARS-CoV-2. Сепак, некои вируси мора да предизвикаат одредена количина на болести за се прошират. На пример, мора да кашлате или кивате за ефикасно да го ширите грипот. На крајот, сето тоа се врти околу преносот. На вирусите не им е грижа колку болести предизвикуваат; тие едноставно мора да се пренесат.
