Лицата кои ја примиле вакцината против КОВИД-19 треба неколку дена пред и по вакцинирањето да се воздржат од консумирање алкохол, бидејќи тој може да го намали имунолошкиот одговор на организмот на вакцината, предупредуваат британските стручњаци.
Имено, алкохолот го менува составот на милијардите микроорганизми кои живеат во цревата, а кои имаат значајна улога во спречување на инвазијата на бактерии и вируси.
Консумирањето алкохол резултира со оштетување на имунолошките клетки во крвта или белите крвни зрнца, вклучувајќи ги и лимфоцитите, чија основна улога е да го заштити организмот од бактерии, вируси, габи и паразити, како и туѓи тела кои ја преминуваат природната бариера на кожата и слузокожата.
Познато е дека алкохолот негативно делува на аденовирусите и липидните честички кои се користат како вектори за пренесување на генетскиот материјал на SARS-CoV-2 вирусот.
Специјалистот по итна медицина, д-р Ронкс Икхариа,за да го потврди она кое од претходно е познато, спровел експеримент за време на кој, заедно со колегите ги проучувал примероците на крв од лицата кои се вакцинирале, пред и откако испиле три чаши шампанско.
Имунологот проф. Шена Крикшенк од Универзитетот во манчестер вели дека намалувањето на бројот на лимфоцити, како последица на консумирањето алкохол, може да ја намали и ефикасноста на имунолошката реакција на организмот.
Проф. Крикшенк ги повика сите оние кои планираат да се вакцинираат против КОВИД-19, пред и по примањето вакцина, да избегнуваат консумирање на алкохол.
“Вашиот имун систем мора да биде во најдобра можна форма, во склад со вашите години и здравствена состојба, за да добро реагирате на вакцината. Значи, ако пиете вечерта пред вакцинирањето или кусо по примањето вакцина, резултатот нема да биде таков како што би требало да биде“.
Кај возрасните лица, лимфоцитите чибат околу 20 до 40 проценти од вкупниот број на бели крвни клетки и најмногу ги има во централните лимфни органи, ткивото, а тие обезбедуваат микро еколошки услови потребни за развој и активација на лимфоцитите. Тоа се слезената, крајниците и лимфните јазли во кои почнува имунолошката реакција на нашиот организам.
Руските власти на почетокот на декември објавија дека не е препорачливо да се консумира алкохол откако по вакцинирањето со нивната вакцина Спутник V скоро два месеци пред вакцинацијата.
Британски научници велат дека е препорачливо да се откажете од алкохол три дена пред и по приемот на двете дози, и тоа е вообичаено за вакцинација воопшто.
