Индискиот тегавец или псилиумот е растение кое содржи многу влакна, липиди, незаситени масни киселини и многу слуз. Оваа слуз кај растенијата има улога за складирање на вода и храна, за изградба на мембраните и при ’ртење на семињата. Кога ќе се внесе во организмот оваа слуз создава желатинска материја која одлично ги подмачкува ѕидовите на цревата, и поради тоа е многу ефикасна при лекувањето на луѓето со колитис. Диеталните влакна се од несварлива природа што значи дека се отпорни на метаболичките ензими. Во дебелото црево ја впиваат водата и набубруваат со што ја стимулираат перисталтиката. Затоа од особено значење е да се консумира голема количина вода кога се користи псилиумот.
Индискиот тегавец има способност да го зголеми волуменот и до 10 пати, што е од особено значење за чувството на исполнетост, па поради тоа често се консумира како поддршка на слабеењето.
ГО НАМАЛУВА ХОЛЕСТЕРОЛОТ
Како што е случај и со другите видови на диететски влакна, индискиот тегавец може значително да влијае на здравјето на срцето со тоа што го намалува холестеролот. Вишокот на диетални влакна работат на намалување на количината на холестерол што се апсорбира од храната, и ја спречува да се лепи на артериите и крвните садови. Тој сепак, не го намалува количеството на добриот холестерол (HDL), и го задржува неговото ниво.
ПРОБЛЕМИ СО ДИГЕСТИЈАТА
Главната функција на индискиот тегавец е подобрување на функционалноста и ефикасноста на системот за варење, преку врзување со водата во цревата. Ако страдате од дијареја, може да ви помогне да ја регулирате столицата и да ја нормализира работата на дебелото црево. Ако, пак, се борите со запек, исто така, може да помогне во намалување на таа непријатност, со тоа што ќе ја стимулира перисталтиката на цревата. Може да помогне и да се елиминираат хемороидите и гастричните улкуси.
ПРЕВЕНЦИЈА ОД ДИЈАБЕТЕС
Индискиот тегавец има докажан ефект врз нивото на шеќер во крвта, што е важно за секого, без разлика дали страдате од дијабетес или не. Преку регулирање и ослободувањето на инсулин во крвта, и одржување на шеќерот во крвта да биде стабилен, може да помогне да се спречи појавата на дијабетес. Луѓето кои живеат со дијабетес, со додавање на индискиот тегавец во исхраната можат да си помогнат да останат здрави.
НАМАЛУВАЊЕ НА ТЕЖИНАТА
Една од најдобрите работи во врска со диеталните влакна е тоа дека создава чувство на ситост, а тоа чувство на ситост е многу важно за луѓе кои сакаат да ја намалат нивната тежина. Со употреба на додатоци кои содржат индиски тегавец, може да се задржи нивото на енергија без зголемување на килограмите. Овесните трици често содржат индиски тегавец, и се популарен избор на здрава ужина.
КРВЕН ПРИТИСОК
Индискиот тегавец е едно од ретките растенија кои го намалуваат крвниот притисок кај оние кои редовно го консумираат. Иако не можеме да го наречеме вазодилататор, но сигурно може да се ублажи тензијата на крвните садови и артериите на срцето.
ДЕТОКСИКАЦИЈА
Индискиот тегавец често се нарекува и лаксатив. Тој врши ефикасна детоксикација на телото, како и чистење на гастроинтестиналниот систем, и за целокупното здравје на стомакот.
