Кардиоваскуларните заболувања се на самиот врв на листата на болести од кои луѓето најмногу умираат. Едно од нив е и срцевиот удар, односно инфаркт, кои се почесто ги погаѓа и жените.
Болестите васкуларниот систем тесно се поврзани со денешниот забрзан начин на живот. Живееме со пребрзо темпо, лошо се храниме, премалку се движиме и физички сме активни. Но, со промената на животните навики и знаењето како да се препознаат одредени сигнали за предупредување, инфарктот може да се избегне и да се спречи.
ЗНАЦИ НА ПРЕДУПРЕДУВАЊЕ
Срцевите болести имаат преодни фази кои треба внимателно да се следат:
- Забрзана работа на срцето: срцето без никаква видлива причина почнува силно да чука, па можеби се работи за пореметување на ритамот на неговата работа (неправилност во отчукувањата, застој, срцебиење).
- Задишаност при напор: срцето се заморува додека се качуваме по сколаи, забрзано чекориме или носиме некој товар. Така задишани ни треба повеќе време, од вообичаено да го повратиме здивот.
- Отоци (едем): отечени глуждови на нозете понекогаш се последица на лоша работа на срцето.
- Силен грч во листот на ногата: може да биде знак на постоење на атером (масна творба која ја запушува артеријата).
- Бледа, студена нога, болна на допир: знак е дека некоја артерија е запушена, на пример по емоболија. Таа е почеста кај пушачите.
- Ангина пекторис: ова е најопасно предупредување. Кога повремено срцето на неколку моменти не прима доволно кислород, тоа е знак дека некоја артерија е запушена. Најчесто тоа се случува при некој напор или силна возбуда, но исто така може да се случи без никаков видлив повод. Болката зрачно се шири од средината на градниот кош, преку рамото, рацете или пак грбот и трае кратко. Тоа е сериозен знак за узбуна и треба итно да се побара лекарска помош, бидејќи тоа се симптоми кои кои претходат на инфаркт.
ЗНАЦИ НА ОПАСНОСТ
Ретко инфарктот доаѓа како гром од ведро небо. Симптомите обично се чувство на притисок и стегање во градите, како и болка од градниот кош која почнува во левата рака и се шири во левото рамо, често пати се до вилицата. Истовремено се појавува и раздразливост, несоница, внатрешен немир и загриженост.
АКУТЕН ИНФАРКТ
Почнува со надворешни силнии болки во левиот дел на градниот кош. Лицето чувствува страв од смрт, губи здив и многу се поти. Често може кај пациентот да се јави повраќање ии пролив.
Лицето погодено од инфаркт не смее да чека ни момент, бидејќи се наоѓа во животна опасност. Веднаш повикајте Итна помош или лекар. Раскопчајте му ги тесните делови од облеката, нозете ставете ги во подигната положба.
СПАЃАТЕ ЛИ ВО РИЗИЧНА ГРУПА
Ова се ризик факторите поради кои треба да отидете на кардиолог на превентивен преглед:
- Вашите родители, баба или дедо, брат или сестра имале инфаркт или некое друго срцево заболување
- Имате зголемено ниво на холестерол во крвта
- Пушите една до две кутии цигари дневни
- Имате висок крвен притисок
- Имате прекумерна телесна тежина
- Работата ви е таква да многу седите и многу малку или воопшто не се движите
