Секојдневното туширање не му е потребно на нашето тело. Сапунот ги измива липидите од телото и го спречува од самоисцелување, тврди д-р Елејн Ларсон од Универзитетот Колумбија.
Претераното туширање ќе ја исуши кожата и ќе доведе до нејзино пукање, што го зголемува ризикот од инфекции, предупредува докторката.
„Луѓето мислат дека со секојдневните туширања ја одржуваат хигиената, но ако гледаме бактериолошки, не се во право“, објаснила Ларсон.
Доколку се туширате секој ден, немојте да го сапуните целото тело, туку само оние делови кои мирисаат непријатно, како пазувите и стапалата
„Нашето тело е природно добро подмачкана машина и секојдневното туширање не му е потребно. Мислам дека луѓето се тушираат од естетски причини. Ако одите во теретана или вежбате, мора да се туширате секој ден, но немојте да го сапуните целото тело, туку само оние делови кои мирисаат непријатно, како пазувите, стапалата“, додала докторката.
Таа објаснила дека специјалните антибактериски сапуни не се ништо подобри од обичните. Во секој случај, поедноставете ја својата дневна рутина кога станува збор за хигиената, а доколку се туширате секој ден, туширајте се само со вода, млака вода.
