Делта сојот во многу кусо време го презема водството над останати варијанти на коронавирусот SARS-CoV-2 и се чини дека нема да се откаже – во САД повторно е во пораст бројот на заболени, откако накратко беше стопиран поради вакцинирањето.
Според моменталните сознанија, се шири и до 60 проценти побрзо од алфа варијантата, која пак беше околу 50 отсто позаразна од претходната варијанта.
ПО ШТО СЕ РАЗЛИКУВА ДЕЛТА СОЈОТ ОД ПРЕТХОДНИТЕ ВЕРЗИИ НА ВИРУСОТ?
Д-р Роберт Болингер, инфектолог во болницата Џон Хопкинс вели дека се работи за поотпорна варијанта и затоа доаѓа до повеќе случаи на инфекција. И во земјите, како Израел и Велика Британија, каде е висок процентот на комплетно вакцинирани лица, кај оние невакцинираните постојат огромни шанси дека ќе се заразат.
ПРЕДИЗИВИКУВА ЛИ ДЕЛТА СОЈОТ ДРУГИ СИМПТОМИ?
Д-р Ото Јанг, инфектолог во болницата UCLA, вели дека се работи за симптоми како течење на нос, кој претходно не се јавувал. Постојат благи слични разлики во симптомите, но останатите се многу слични.
ДАЛИ СИМПТОМИТЕ СЕ ПОСЕРИОЗНИ?
Д-р Јанг вели дека е тешко да се каже оти се работи за болест при која последиците се различни – од асимптоматски болести до смртни случаи. Варијабли има толку многи што е потребен голем број на заболени за точно да може да се спореди.
“Засега не е јасно дали оваа варијанта е посмртоносна или не, едноставно не знаеме. Мора да имаме предвид дека различните симптоми може да доаѓаат од разни варијанти на вирусот, но поверојатно е дека разликата е и во во лицето кое е заразено“, објаснува д-р Болингер.
Се работи за тоа да во моментов заболуваат многу помлади лица во споредба со претходните варијанти, бидејќи повозрасните во поголем процент се вакцинирани. Па така доаѓа и до различни пријави на симптоми. Со тоа се согласува и д-р Јанг и додава дека младите мислат дека вирусот е станат помалку опасен, но тоа не мора да биде вистина. Демографијата е променета. Ако здравите и млади луѓе се разболат, не е зачудувачки да бројот на смртни случаи е помал, но тоа не значи дека болеста се променила.
КОЛКУ ШТИТИ ВАКЦИНАТА ОД ОВОЈ СОЈ НА ВИРУСОТ?
Стручњаците се согласуваат дека за донесување заклучок се уште нема доволно докази. Продор на инфекцијата може да се случи од неколку причини: ако нивото на антитела е помала по некое време, ако вирусот мутирал, па имунолошкиот одговор не функционира правилно… тоа се две можни сценарија, кои добро се следат, тврдат стручњаците.
