![15](https://panacea.mk/wp-content/uploads/2023/01/15-696x481.jpg)
Овој дел од годината е особено лош период за здравјето, бидејќи владее таканаречена “тројна епидемија“. Тоа значи дека ковид-19, грипот и респираторниот синцицијален вирус земаат замав. Особено случаевите на грип нагло се зголемија ширум светот.
Според податоците на Институтот за јавно здравје на РСМ, во земјава оваа сезона досега се забележани 583 случаи на грип, а само минатата бројката изнесува 177 болни од грип. За жал, оваа болест може да биде и смртоносна.
Што значи дека е исклучително важно да се заштитите себеси, но и другите од настинки, грип, РСВ или ковид. Најдобар начин да го направите тоа веројатно звучи познато.
“Многу од навиките што ги усвоивме за време на пандемијата со Ковид ќе ни служат за заштита од разни болести во наредните месеци“, вели д-р Чарлс Бејли, медицински директор за превенција на инфекции во Провиденс Ст. Џозеф.
Можеби нема да можете целосно да го елиминирате ризикот од настинка, грип или друг вирус, но можете значително да ги намалите вашите шанси со овие професионални совети.
- Вакцинирајте се против грип и ковид
Д-р Бејли истакнува дека најважната форма на превенција е редовната вакцинација против грип и ковид.
На последната прес-конференција, директорката на американскиот Центар за контрола и превенција на болести, д-р Рошел Валенски, изјави дека овогодинешната вакцина против грип тесно се совпаѓа со соевите на вирусот кои моментално циркулираат низ светот. Што значи дека е исклучително прецизна и насочена заштита што може да ве спречи да се заразите или да завршите во болница. Запомнете дека потребни се две недели пред да започне целосната заштита на вакцината.
- Редовно миење на рацете
Ова е навика која треба да ја практикувате во текот на целата година, но таа е особено важна во овој период од годината. Имено, редовното миење на рацете е императив за превенција од настинки и грип, како и ширење на микробите. Сепак, треба да знаете дека постои правилен и погрешен начин да го направите тоа.
- Дезинфекција на мобилните телефони и останати уреди
Претходни истражувања откриле различни видови бактерии и вируси на телефоните. Вообичаено е да се најдат бактерии кои живеат на нашата кожа, во респираторниот тракт, како и бактерии кои живеат во фекалиите. И додека повеќето од нив се бактерии кои нема да нè разболат, не сите се целосно безопасни. Различни студии покажале дека E. coli, MRSA и стрептококата живеат на мобилните телефони.
- Избегнувајте гужви што е можно повеќе
Со оглед на тоа дека многу се изолиравме во последниве години, ова може да биде тешко за повеќето луѓе. За жал, ако сакате да го одржувате вашето здравје, обидете се да го следите советот на д-р Бејли и избегнувајте гужви секогаш кога е можно, особено ако тие се лошо проветрени, затворени простори. Подобро е да се препуштите на активности на отворено, како што се лизгање на мраз, одење на пазар, шетање на село, што и да ви одговара.
- Кога сте во дилема, носете маска
Можеби е време повторно да купите кутија со маски за еднократна употреба. Освен ако не сте имунокомпромитирани или не се грижите за некој со висок ризик за болест, можеби нема да чувствувате потреба да носите маска во секое време. Меѓутоа, се покажа дека оваа едноставна навика го намалува преносот на вирусот и ги штити оние со кои доаѓате во контакт.
Размислете за носење маска во џеб или торба за да ви биде при рака. Никогаш не знаете кога ќе се најдете во преполн автобус или покрај некој кој не може да престане да кашла.