Истражување спроведено во Австралија, ги потврдило и претходните сознанија дека жените кои имале гонореја и инфекција со кламидија, имаат зголемен ризик од вонматерична бременост (ектопична) и неплодност, во однос на жените кои никогаш немале една од овие две полово преносливи болести.
Резултатите од оваа студија исто така укажуваат дека поголемиот ризик од клинички сериозни воспалителни болести на карлицата по гонореја, во споредба со кламидија, не значи и поголем ризик од долготрајни последици како вонматерична бремености неплодност.
Гонорејата е полово пренослива болест предизвикана од бактеријата Neisseria gonorrhoeae која го зафаќа епителот на слузницата. Начинот на пренесување, примарно е полов при кој доаѓа до контакт помеѓу слузницата, но исто така може да се пренесе и со т.н. вертикален пренос, од мајка на дете, за време на минување низ заразениот породилен канал.
Кламидијата (Chlamydia trachomatis) е најчест бактериски причинител на полово преносливите болести. Предизвикува и конјуктивитис кај новороденче и воспаление на белите дробови при пренос од мајка на дете.
