Замор, малаксалост, губење апетит, треска, болки во грлото, пликови во устата, на дланките и стопалата, трнење на левата рака. Ова се знаци на инфекција со коксаки вирусот или болест на валкани раце, која ретко се јавува, но е многу опасна бидејќи може да го нападне срцевиот мускул и да предизвика негово трајно оштетување. Затоа е многу важно да се препознае на време и што побрзо да се започне со лекување.
Тип А и Б
Инфекција со коксаки вирус тип А се нарекува и болест на дланките, стопалата и устата, иако може да предизвика и конјуктивитис. Од друга страна, типот Б најчесто предизвикува белодробни тегоби, треска, болки во стомакот и главоболка, а и двата вируси понекогаш доведуваат до менингитис, миокардитис и перикардитис.
При оштетување на клетките, срцевиот мускул веќе не е во состојба да се контрахира, па срцето повеќе не испраќа доволна количина на крв во организмот. Во одбрана од вирусот, се создаваат антитела кои се борат со него, што понекогаш ги активира автоимуните процеси (телото почнува да ги напаѓа сопствените клетки). Коксаки вирусот може трајно да го оштети срцевиот мускул, па со самото тоа го загрозува и целокупното здравје.
Симптоми
Коксаки вирусот може да помине без никакви симптоми, и затоа се нарекува „болест со 10 лица„. Најчесто ги погодува децата и тинејџерите и во повеќето случаи поминува без последици, а силниот имун систем е клучен за одбрана од ова заболување. Во почетната фаза се јавува слабост, поспаност, непријатност и слабеење, понекогаш проследени со пролив и гушење. Други тегоби се покачена температура, главоболка, повраќање и болки во стомакот, по што настапува т.н. менингеална фаза чии најважни знаци се главоболка и повраќање, одбранбен рефлекс кој укажува на покачен тонус на вратните и грбните мускули, преосетливост на светлина и звук, како и невровегетативни пореметувања – брадикардија (успорена работа на срцето), опстипација (запек) и губење на свест. По три до пет дена сите симптоми исчезнуваат и болниот брзо се опоравува.
Како да препознаете оштетување на срцето?
Симптоми кои укажуваат на тоа дека коксаки вирусот го напаѓа срцето се запек, забрзана работа на срцето, прескокнување на срцето, гушење и отекување на нозете. Како болеста напредува, запекот е се почест. Заболените многу брзо се заморуваат и мора да прават паузи по само неколку чекори. Во тешките случаи доаѓа до инфаркт или нагло попуштање на срцето со смртен исход.
