Паразитите се живи организми кои зависат од друг организам за да преживеат. Паразитите кои ги напаѓаат луѓето се многу пораширени отколку што се мисли и не се карактеристични само за сиромашните делови од светот, туку се голем здравствен проблем и во развиените земји.
Ентеробијаза е најчестиот паразит кој ги напаѓа децата во умерениот појас, дури и во земјите со висок степен на санитетска свесност. Се појавува кај 20 отсто од децата, а најчесто може да се открие во градинките, училиштата или камповите.Ентеробијазата се карактеризира со преианален свраб.
Глистите се мали валчести црви, кои најчесто де наоѓаат во долниот дел од дигестивниот тракт. Животниот циклус на глистата се одвива во човековите црева и трае од две до шест недели. Глистите во човекот влегуваат откако тој ќе ги проголта јајцата. Женските глисти новите јајца ги снесуваат најчесто во перианалната регија, во наборите на кожата. На поволни температурни услови тие можат да живеат и до три недели. Можат да се пренесуваат со прстите, преку постелината, облеката, намештајот, дури и преку храната.
Превенција
- Редовна лична хигиена, миење раце со сапун и топла вода пред јадење и пред готвење, после тоалет и посла пресвлекување пелени на бебе
- Ноктите мора да се сечат кратко
- Децата да не го чешаат анусот
- Редовно бањање, особено туширање
- Често менување на долната облека, пижамите и постелината
- Редовно чистење на куќата, особено тоалетот
