Иноситолот е природна супстанца која претходно се сметало дека е витамин (Б8). Се наоѓа во високи концентрации во мозокот на човекот. Иноситолот помага да се регулира дејството на важни хемикалии поврзани со расположението, вклучувајќи и серотонин и допамин. Едно неодамнешно истражување открило дека лицата кои патат тегоби како што се анксиозност, компулсивно пореметување и депресија, имаат пониско ниво на иноситол во мозокот.
Другите важни невротрансмитери во мозокот зависат од иноситолот за да можат да пренесат пораки, што го прави иноситолот клучна компонента на хемискиот систем во мозокот, која му помага да го регулира срцето, когнитивните функции, расположението, продуктивноста, спиењето и адиктивноста.
Истражувањата покажале дека иноситолот има ефикасно дејство и во следниве случаи:
Анксиозност и панично пореметување. Истражувања покажале дека тој ефикасно делува против панично пореметување, што е една од формите на анксиозност во која стравот ја опседнува личноста и значајно влијае на најезиниот живот. Се покажало дека е ефикасен и против други форми на анскиозност како што се агорафобија и опсесивно-компулсивно пореметување.
Опсесивно-компулсивно пореметување. Во овој случај, истражувањата покажале дека иноситолот е ветувачко средство кое може да го ублаи ова пореметување во кое непрекинато се повторуваат мисли и чувства и притисок да се постапи според нив. Во едно проучување, научниците утврдиле дека иноситолот ефикасно ги ублажува симптомите на опсесивно-компулсивното пореметување, исто како и фармацевтските лекови, но без несакани ефекти.
Биполарно пореметување (манично-депресивно). И во овој случај, резултатите се ветувачки. Едно истражување покажало дека кај децата со биполарно пореметување, значајно се намалува манијата и депресијата по земање на 2гр иноситол дневно во период од 12 недели.
Она што е најдобро кај иноситолот е дека тој е сосема природна супстанца, која се наоѓа во храната: мешунки, интегрални житарки, јаткасти плодови, тиква, цитруси. За да добиете еден или повеќе грама иноситол кој покажува терапевтски ефекти, мора да изедете шолја варен грав или половина килограм цитрусно овошје.
