Фотографиите што ги објавувате Инстаграм може да кажат многу повеќе за тоа што сте јаделе или каде сте биле на одмор. Тие можат да укажат на тоа дали сте во депресија. Новото истражување кое го направија научниците од Харвард и Вермонт покажува дека луѓето кои имаат историја на депресија споделуваат повеќе фотографии, користат помалку филтри и поставуваат фотографии во темна или сива боја.
Во истражувањето се наведува дека Инстаграм и другите социјални мрежи можат да бидат одлична алатка за анализа на менталната состојба на луѓето. Претходните истражувања покажаа дека зборовите што се користат во твитовите или статусите на Фејсбук може да покажат дали сте или не сте во депресија.
Новата студија покажува дека тоа може да се види и од фотографијата која ја објавувате. Истражувачите разгледале над 43 000 фотографии од 166 корисници, од кои 71 имале историја на депресија. Користеле машина за да ги анализираат боите, светлината, филтрите и сите други алатки што се користат за фотографиите.
Луѓето кои се во депресија објавуваат повеќе фотографии што се потемни, во сиви, сини или црни нијанси
Тие, исто така, користат помалку филтри, а ако ги користат, употребуваат Inkwell, со што се добиваат црно-бели фотографии. Психички постабилните луѓе ја сакаат опцијата Valencia, која ги осветлува сликите. Депресивните луѓе повеќе го фотографираат лицето, за разлика од здравите луѓе.
Нагласено е дека резултатите не се однесуваат на сите корисници на Инстаграм. Во истражувањето учествувале луѓе кои се активни на Инстаграм и кои им овозможиле на научниците пристап во нивните здравствени картони.
