Строгиот мониторинг на крвниот притисок не само што има големо значење за здравјето на срцето, туку, исто така, може да помогне и во зачувување на здравјето на мозокот, покажала новата студија.
Постарите возрасни лица со систолен крвен притисок од 120 mm Hg или помалку, имаат 19 проценти помал ризик за развој на ментални нарушувања познати како благи когнитивни пореметувања
Интензивната контрола на крвниот притисок, исто така, го намалува ризикот од деменција за 15 проценти. Треба да се напомене дека лицата со понизок крвен притисок имале и помал број на оштетувања на мозокот.
Иако овие резултати се прелиминарни, тие се најсилниот доказ дека агресивниот третман на високиот крвен притисок го намалува ризикот од благо когнитивно оштетување и деменција, истакнале експертите на Годишниот состанок на „Alzheimer’s Association“.
