![LIMON](https://panacea.mk/wp-content/uploads/2018/08/LIMON-1-696x464.jpg)
Летото е вистинско време за користење на лимонот, бидејќи ова тропско овошје освежува, разладува и ги надоместува изгубените електролити во организмот. Освен како лимонада, лимонот може да го искористите и за правење на ледени лимон коцки, лимон прашок и друго.
За неговите здравствени придобивки многу е пишувано, но ова се некои интересни идеи како уште може да се искористи ова идеално овошје.
Ледени лимон коцки. Сокот од неколку лимони замрзнете го во коцки во соодветен сад со прегради во фрижидер. Во лимоновиот сок може да додадете сечкано нане. Така ќе добиете неверојатно освежувачки додаток со кој може да ја направите водата повкусна, да ја разладите и, секако, може да ги додадете коцките во кој било друг пијалак.
Лимонов прашок. За ова се препорачуваат органски лимони. Откако ќе направите лимонада, изрендајте ја кората од лимонот, распоредете ја во тавче и оставете да се суши два до три дена. Кога целосно ќе се исуши со прсти иситнете за да добиете прав. Ставете го во кутија која херметички се затвора. Овој зачин е извонреден за салати, ориз, варен или печен зеленчук и слични јадења.
Кандиран лимон. Исечкајте ја кората од лимонот на подолги ленти. Ставете во тавче вода и лентите лимонова кора. Загрејте на средна температура и оставете да се вари околу седум минути. Процедете. Потоа во тавчето додадете пола шолја кокосово масло, пола шолја вода и оставете да се вари на тивко додека кората не стане проѕирна, а сирупот додека благо не се згусне, околу 15 минути. Со лажица решетка извадете ја кората и оставете да се олади. Кандираниот лимон може да се користи како освежувач на здивот или здрава ужина.