Пишува: Александра Стојановска/saska@panacea.mk
Македонија, оценува директорот на детската болница – Козле во Скопје, д-р Ангелчо Андоновски доживеа долг децениски проблем каде антивакциналниот бран – еден вид на анатема на имунизирањето не направи да станеме првин претпазливи поради многуте лоши моменти на сомнителни вакцини кои пристигнаа тој период а, воедно и уплашени за здравјето на сите деца во нашата држава. Тоа доведе да процентот на вакцинирање опадне во голема мера. Според директорот на болницата во која се згрижуваат најмногу деца од целата земја, со самиот пад на имунизацијата, дојде до изложеност на една огромна опасност, која и почна да ни се случува, а тоа е да се вратат сите оние заболувања кои постоеле во минатото. Тоа, цени д-р Андоновски во една модерна држава каква што се стремиме да бидеме не смееме да се дозволи. Во таа насока, потенцира тој, набавени се вакцини според светски и европски терк и дури менување т.е додавање на нови вакцини во имунизацискиот календар.
Темата за вакцинацијата и во Македонија, но и во светот спаѓа во групата на жестоки дискусии. Тие всушност не се водат меѓу стручњаците, но се поприсутна е појавата на родители кои одбиваат да ги вакцинираат децата, сомневајќи се дека вакцините се неквалитетни или опасни и непотребни. Во таа насока, како стручњак кои секојдневно е во директен контакт со децата, имате ли информации каква е општо состојбата со имунизацијата во земјава? Од каде стравот кај родителите?
Д-р Андоновски: Жешка тема насекаде во светот, да, но и тема која не е вулгаризирана во светот, туку е момент на свесност и на медицинска култура. Ние доживеавме долг децениски проблем каде антивакциналниот бран еден вид на анатема на имунизирањето не направи да станеме првин претпазливи поради многуте лоши моменти на сомнителни вакцини кои пристигнаа тој период а воедно и уплашени за здравјето на сите деца во нашата држава. Тоа доведе да процентот на вакцинирање опадне во голема мера. Со самиот пад на имунизираност бевме и сме изложени на една огромна опасност која почна да ни се случува а тоа е да се вратат сите оние заболувања кои беа минато. Во една модерна држава каква што се стремиме да бидеме тоа не смееме да го дозволиме , ниту ние како стручни лица ниту пак нашиот народ баш поради развивање на една здрава нација. Министерството за здравство , Комитетот за имунизација и сите надлежни организации се вклучија во решавање на овој голем проблем. Набавени се вакцини според светски и европски терк и дури менување т.е додавање на нови вакцини во имунизацискиот календар. Јавноста се запознава постојано со сите нови информации околу состојбата на теренот и сите превземани мерки. Не смее да се помисли да оваа добие огромни невидени размери заради тоа се спроведени и одредени битни мерки за брзо надминување на проблематиката.
Кои се причини родителите ги наведуваат за невакцинирање на своите деца?
Д-р Андоновски: Родителите со право имаа и страв од целиот процес, но тоа е фактот дека навистина во оптег беа пуштени милион дезинформации кои секако не беа точни, дека вакцината предизвикува аутизам, дека предизвикува парализа, конвулзии, напади и многу други нуспојави.
Медицината е наука базирана на докази. Се направија безброј нови студии за да докажат дека нема никаква конекција помеѓу вакцинирањето и појавата на одредени несакани ефекти.
Сето тоа беше контролирано на светско ниво и беа објавени сите докази кои покажаа сигурност во самиот процес на вакцинирање и немање никаква поврзаност со несаканите нус појави. Европа и светот си продолжија со својата медицинска култура и високо развиена свест и затоа се искоренети огромен број на заболувања , дури и не се користат одредени вакцини повеќе во тие држави баш поради фактот дека сето тоа е минато.
Може ли детално да ни кажете кои се медицинските нуспојави од имунизацијата?
Д-р Андоновски: Температура (еден од шест случаи), благ осип (еден од 20 случаи ) и најретко отекување на жлездите на лицето и вратот.
Средни нуспојави поради појава на висока темепратура се појава на конвулзии една на три илјади дози и појава на тромбоцитипоенија една на 30000 случаи. Може да се напомене и појава на алергиска реакција која е незабележлива и се појавува еднаш на еден милион дози. Доколку детето се контаминира или зарази и добие реакција од самата контагиозност , реакцијата на вакцинираниот организам е блага и дури минува незабележано. Но, кај невакцинираното дете таа реакција може да биде бурна дури и животозагрозувачка.
Што значи по здравјето на едно дете да не се вакцинира според пропишаната програма на задолжителна вакцинација?
Д-р Андоновски: Нема докази дека вакцините се штетни, но има безброј докази дека со сигурност ќе се разболите ако не се вакцинирате. Оваа вистина е кажана се со цел дека свеста на граѓаните треба да биде на високо ниво за да сфатат дека невакцинираните имаат поголем ризик за разлика од вакцинираните лица токму поради несакните ефекти кои можат да се јават како резултат на невакцинираност т.е компликациите се понекогаш фатални.
Здравјето на децата е нешто најбитно насекаде во светот не само кај нас, но да се остават невакцинирани означува само едно – НЕГРИЖА.
Една мала презентација во вид на пример , ако детето не е вакцинирано од тетанус , треба да сфатиме дека лек за тетанус не постои и да не редам ред други примери. Имунизацискиот календар е направен законски и мора да се следи заради општото добро на сите нас.
Постои ли некаков начин да се постигне повисок степен на имунизација и да се врати довербата кај родителите?
Д-р Андоновски: Мислам дека со сето онаа што го превзема Министерството за здравство ние како стручни лица и спроведената законска регулатива, нормално сето тоа поткрепено со релевантна и навремена информација и контрола на сите вакцини кои се внесуваат во државата, довербата може да се врати. Тоа ќе биде еден вид на будење на свеста на нашиот граѓанин дека иднината нашите деца и нивното здравје е нешто највредно. Јавните гласила и медиумите треба исто така да се вклучат во будењето и да ни бидат медиум и подршка на нам како стручни лица кои говориме за битноста и итноста на овој процес. Треба да се знае дека во моментов во државата имаме најквалитетни вакцини кои ги нуди пазарот. Ревидирани според светскиот и европскиот список на вакцини кои се нудат од најсигурните и најквалитетните производители на вакцини во светот.
Еден мал податок за фамозната вакцина МРП е дека не содржи воопшто олово ниту некој дериват на олово во својата содржина и дека алергија на јајце не е контра индикација за вакцинација. И секако, она што е важно е дека детето треба да пристапи здраво при процесот на имунизација.
Кои се последиците за еден родител кој не го вакцинира детето и дали со тоа го крши Законот?
Д-р Андоновски: Законската рамка и самиот закон постои од основањето на нашата држава. Не е прашање само на казната за родителот , туку е прашање дали родителот го казнува или осудува своето дете и сите деца кои го опкружуваат тоа неимунизирано дете. Опасноста и штетата по здравјето на нашите најмили е најголемата казна. Законот секаде во светот се почитува и е ригорозен , но ние навистина сакаме да овој пат не биде тоа камшикот туку освестувањето , будењето на свеста на сите родители дека со имунизација се прави добро за нашата иднина а, тоа се нашите дечиња.
