„Во петтата година за време на медицинските студии имав можност да асистирaм на неврохирургија и одблиску да го видам мозокот и изучената невроанатомија во пракса. Тогаш се појави желбата да помагам на пациенти со отстранување на патолошки супстрат кој им го нарушува секојдневниот живот“, раскажува за својот повик и избор на специјалност д-р Михаил Таушанов, специјалист по неврохирургија, дел од новиот неврохируршки оддел во клиниката „Жан Митрев“.
Што Ве мотивираше да се насочите кон неврохирургија како специјалност?
Д-р Таушанов: Секогаш имав интерес како функционираат луѓето и долго време сметав дека психијатрија ќе биде мојата специјалност. Во 5-та година за време на медицинските студии имав можност да асистирaм на неврохирургија и одблиску да го видам мозокот и изучената невроанатомија во пракса. Тогаш се појави желбата да помагам на пациенти со отстранување на патолошки супстрат кој им го нарушува секојдневниот живот.
Болницата „Жан Митрев“ е опремена со најсовремена технологија и се стреми секогаш да обезбеди опрема која ќе овозможи најдобри резултати за пациентите. Во моментот започнуваме со оперативни интервенции и очекувам во брзо време да воведеме оперативни интервенции со модерни техники по кои би биле препознатливи
Што Ве привлече да работите токму во клиниката „Жан Митрев“ и како оваа клиника влијае на вашето професионално развивање?
Д-р Таушанов: Шансата да работам во реномирана медицинска установа и можностите да се биде дел од тим во чие знаење во континуитет се инвестира.
Дали во клиниката „Жан Митрев“ има програми за менторирање и обука за младите доктори и какви се Вашите можности за континуирана едукација и професионален развој во рамките на клиниката?
Д-р Таушанов: Kлиниката „Жан Митрев“ работи по највисоки стандарди и нуди постојана доедукација и усовршување на неврохируршките способности, нудејќи можност да се работи и учи од најдобрите специјалисти по неврохирургија во Европа. Со формирањето на новиот неврохируршки оддел, соработките со реномирани имиња од оваа област, јас како носител на дејноста, гледам огромен потенцијал за иден личен развој, но и развој на самата медицинска гранка во земјава, која ќе ја оствари крајната цел да се понудат врвни решенија за пациентите.
Како ја оценувате опременоста и технологијата во клиниката „Жан Митрев“ во однос на неврохируршки интервенции и дали има некои специфични процедури или методи кои се користат во „Жан Митрев“, а не се чести во другите болници?
Д-р Таушанов: Болницата е опремена со најсовремена технологија и се стреми секогаш да обезбеди опрема која ќе овозможи најдобри резултати за пациентите. Во моментот започнуваме со оперативни интервенции и очекувам во брзо време да воведеме оперативни интервенции со модерни техники по кои би биле препознатливи.
Кои се најголемите предизвици со кои се соочуваат младите лекари во Македонија, особено во специјалностите како неврохирургија?
Д-р Таушанов: Големите обврски за време на специјализацијата, многубројните работни часови и изнаоѓање време за учење. Истовремено менаџирањето на приватниот и семејниот живот. Ако одвојувам најтешки беа работните часови, кои често пати беа повеќе од 100 часа неделно, но тоа е поднослива жртва за секој еден спасен живот.
Дали постојат доволно можности за професионален развој и напредок во земјата, или сметате дека повеќето млади доктори се принудени да бараат работа во странство?
Д-р Таушанов: Има доволно можности за професионален развој и напредок во земјава. Колегите кои одат во странство и имаат можност да учат од врвни специјалисти и потоа се враќаат со цел да го унапредат нашето здравство се позитивен пример – доц. д-р Жан Митрев е еден од нив.
