ПИШУВА:
Катерина Шекеровска – Димовска
ТАВИ (Trans catheter Aortic Valve implantation) е сложена хибридна интервенција за поставување на аортна валвула без операција на отворено срце. Секоја валвула се порачува и изработува согласно индивидуални параметри. „Самиот момент на подготовка на биолошката аортна валвула е клучен бидејќи треба да се изработи стручно и максимално прецизно без никаков пропуст за интервенцијата да тече и заврши со успех. Во пракса ова значи дека мојот удел во една ваква интервенција е во делот кога овие специјализирани аортни биолошки валвули треба да се подготват со специјална техника „кримпирање“ пред да се имплантираат на аортниот залисток на пациентот“, објаснува Соња Русевска, медицинска сестра во интервентна кардиологија во клиниката „Жан Митрев“ и единствената сертифицирана сестра во државата за подготовка на аортни валвули за ТАВИ процедура.
Сестра Соња, дел сте од тимот за интервентна кардиологија во „Жан Митрев Клиник“. Како се станува интервентна кардиолошка сестра и која е улогата на сестрата во оваа област?
Мед. сестра Русевска: Не можев, а да не го извлечам најдоброто од себе, кога имам безрезервна поддршка од институција како „Жан Митрев Клиник“. Мојот професионален развој како медицинска сестра во „Жан Митрев Клиник“ започна во 2004 година. Првите неколку месеци ги поминав во интензивна нега и одделение, а потоа продолжив како инструментарка во операциона сала.
Мојата желба да напредувам и работам во интервентна кардиологија ми беше исполнета откако едно утро додека се подготвував за операција дојде д-р Митрев и ми соопшти дека треба да направам трансфер во друг оддел, односно да продолжам со тимот на ангиографија. Затоа ја користам оваа прилика да му се заблагодрам за довербата и можноста да го работам тоа што го сакам. Соработката со еминентни домашни и меѓународни стручњаци, специјалисти во одредени области од кардиологијата, ме научија многу, не само за работата туку и за мојата професија воопшто.
Самиот момент на подготовка на биолошката аортна валвула е клучен бидејќи треба да се изработи стручно и максимално прецизно без никаков пропуст за интервенцијата да тече и заврши со успех
Интервентната кардиологија како гранка во кардиологијата бара докторот со помош на специјално дизајнирани материјали, во специјални услови на работа да спроведе интервенции на срцето. При што секој член од тимот е важен, сите треба да бидат синхронизирани, секогаш подготвени и на вистинско место во вистинско време.
За да се стане интервентна сестра потребно е профилирање во текот на годините што бара многу труд, прецизност и постојано учење на новите техники, технологии и методи на работа што ги носи најсовремената медицина во оваа област.
Доколку сакате да бидете интервентна сестра и да работите во мултидисциплинарен тим, секако потребна е амбиција и професионална посветеност. Секој ден започнува со насмевка и грижа кон пациентите на највисоко ниво, за потоа да продолжи во ангиографската сала, каде се бара многу внимание, фокусираност и асистенција околу техниките на работа при самите интервенции. Бидејќи се работи во зона на јонизирачко зрачење, со пациенти на кои некогаш им е потребна и итна медициснска помош, од сестрата се бара да биде мултидисциплинарно едуцирана. И секогаш без исклучок, професионалниот успех е неизбежен доколку професијата ја работите со љубов.
Вие сте единствената сертифицирана сестра во државата за подготовка на аортни валвули. Како се доаѓа до овој сертификат и што подразбира подготовката на аортни валвули, кои се индивидуални и се порачуваат наменски за секој пациент?
Мед. сестра Русевска: Како иституција сме секогаш први во државата кога станува збор за најновите и најкомплексни процедури во кардиологијата. Пред околу две години ми се укажа можност, прифатив, научив и успеав. Имено претставници од компанијата „Мерил“ од Индија дојдоа во нашата клиника и ни дадоа предлог за обука на вработен за техниката „кримпирање“ на биолошките аортни валвули кои тие ги застапуваат. Веднаш го прифатив овој предизвик и за кратко време го совладав потребното и сега сум авторизирана од нивната фирма за да го изведувам овој важен дел од процедурата.
За истото се здобив со сертификат и сега сум првата сертифицирана сестра во државата за подготовка на аортни валвули за ТАВИ процедура.
Сега сум веќе и проктор за балканскиот регион. Тоа значи дека кога ќе ме повикаат одам и во други домашни и болници од регионот каде се изведуваат овие процедури. Работата со врвните специјалисти од областа на интервентната кардиологијата во различни држави е секогаш предизвик да се научи нешто ново. А јас сум секогаш горда на улогата претставник на мојата матична куќа – „Жан Митрев Клиника“.
Доколку сакате да бидете интервентна сестра и да работите во мултидисциплинарен тим, секако потребна е амбиција и професионална посветеност. Секој ден започнува со насмевка и грижа кон пациентите на највисоко ниво, за потоа да продолжи во ангиографската сала, каде се бара многу внимание, фокусираност и асистенција околу техниките на работа при самите интервенции
ТАВИ (Trans catheter Aortic Valve implantation) е сложена хибридна интервенција за поставување на аортна валвула без операција на отворено срце. Секоја валвула се порачува и изработува согласно индивидуални параметри. Целата процедура за замена трае кратко и е претходно точно испланирана.
Самиот момент на подготовка на биолошката аортна валвула е клучен бидејќи треба да се изработи стручно и максимално прецизно без никаков пропуст за интервенцијата да тече и заврши со успех. Во пракса ова значи дека мојот удел во една ваква интервенција е во делот кога овие специјализирани аортни биолошки валвули треба да се подготват со специјална техника „кримпирање“ пред да се имплантираат на аортниот залисток на пациентот.
Бидејќи се работи во зона на јонизирачко зрачење, со пациенти на кои некогаш им е потребна и итна медициснска помош, од сестрата се бара да биде мултидисциплинарно едуцирана. И секогаш без исклучок, професионалниот успех е неизбежен доколку професијата ја работите со љубов
Неодамна заедно со д-р Вилма Ампова – Соколов бевте дел од учесниците на најголемиот водечки конгрес за интервентна кардиологија во Индија. Што значи за Вас учеството на овие стручни настани?
Мед. сестра Русевска: Со д-р Вилма Ампова-Соколов од 13-15 март бевме во Вапи, Гуаџарат, каде ја посетивме академијата за „Сложени интервентни техники“, во оганизација на компанијата „Мерил“, каде присуствувавме и на едукативните процеси. Ја имавме можноста да ја посетиме фабриката, каде меѓу големиот број на медицински материјали што ги произведуваат, се изработуваат и биолошките аортни валвули кои јас ги подготвувам за процедурата ТАВИ.
Конкретно на овој настан, од компанијата „Мерил“ бев поканета во улога на „кримпер“, а едукативната содржина и преносите во живо придонесоа да се запознаеме и едуцираме со најновите достигнувања во кардиологијата, а јас за новиот модел на валвула и начинот на нејзино приготвување.
Во вториот дел од едукативниот процес од 16-18 март го посетивме Ченаи, каде се одржуваше најголемиот конгрес за интервентна кардиологија во азиско-пацифичкиот регион, Индија Лајв. Бевме дел од настанот со над 3000 кардиолози и претставници од медицински компании од целиот свет.
Учеството на вакви конгреси за мене значи поврзување, учење и споделување на досегашните искуства со врвните светски медицински установи во областа на интервентната кардиогија. При што со гордост можам да кажам дека клиничката болница „Жан Митрев“ е рамо до рамо во поглед на примена на врвните медицински научни достигнувања во светски рамки.
